Efesios 1:11 - CHUYA QELLQA La Biblia en Quechua de Ayacucho 2012

¹¹ Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Quechua Ayacucho Bible 1987

¹¹ Allin tanteasqanman hina ruraq Diosmi ñawpaqmantaraq munasqanman hina akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Chuya Qellqa 1992

¹¹ Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Efesios 1:11 Iomraidhean Croise

Jobwan Sutichasqa Libro 12:13

Yachaypas atiypas Dioswanmi kachkan, pay tanteaptinmi imapas ruwasqa.

Jobwan Sutichasqa Libro 33:29

Tukuy chaykunatam Diosqa runawan ruwan, iskay-kimsa kutikamam chaynata ruwan.

Proverbios 8:14

Allin yachachikuytawan allin tanteakuytam hatallini, yachaypas atiypas ñoqapam.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 28:29

Kay yachachikuykunaqa Tukuy Atiyniyuq Tayta Diosmantam hamun, payqa admirakuypaq kaqkunatam tantean, payqa yachayninwanmi ruwayninkunata qespichin.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Jeremías 23:18

Ichaqa ¿mayqannintaq paykunamanta Tayta Diospa qayllanpi kaspan palabranta uyarirqa? ¿Mayqannintaq simintapas sumaqta uyarispan kasukurqa?

Jeremías 32:19

Tanteasqaykikunaqa ancha hatunmi, ruwasqaykikunapas ancha atiyniyuqmi. Runakunapa imaynam kawsasqantam qawachkanki, kawsayninkuman hinaspa imam ruwayninkuman hina paganaykipaq.

Zacarías 6:13

Tayta Diospa templonta musoqmanta hatarirachispanmi Rey kanqa, hatunchasqa kaspam trononmanta kamachikunqa, sacerdotepas trononpa waqtanpim tiyanqa, hinaspam iskayninku hawkalla kawsakunqaku, nispa.

Hechos 13:48

Mana judío kaqkunañataqmi chaykunata uyarispa kusikurqaku, hinaspam Señorta palabranmanta yupaycharqaku, chaymi wiñay kawsanankupaq akllasqa kaqkuna Jesucristoman lliw iñikurqaku.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 20:27

Diospa munasqantaqa mana imatapas pakaspaymi willarqaykichik.

Hechos 20:32

Wawqellaykuna, kunanqa Diospa makinmanwan kuyakuy palabranman-ñam saqekichik, payqa atiyniyuqmi iñiy-nikichikpi wiñachisunaykichikpaq, chay-nataq chuyanchasqan llaqtanman prome-tesqan herenciata qosunaykichikpaqpas.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

Romanos 11:34

Chaynaqa: ¿Pitaq Señorpa imam piensasqanta yachanman? ¿Pitaq payta consejayta atinman?

Romanos 8:17

Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

Romanos 8:30

Ñawpaqmantaraq akllasqankunatam qayaykun, qayasqankunatañataqmi mana huchayuqtaña ruwaykun; mana huchayuqtaña ruwasqankunatañataqmi hatunchaykun.

Romanos 9:11

Chaymi paykuna manaraqpas nacechkaptinku chaynataq allintapas otaq mana allintapas manaraq ruwachkaptinku,

Gálatas 3:18

Sichum Dios salvanman runakunata kamachikuykunata kasukuptillanku hinaptinqa manach promesa hinañachu kanman. Diosqa promesanman hinam Abrahammanqa tukuy imata qorqa, manam imatapas ruwasqanraykuchu.

Efesios 1:14

Chuya Espirituqa herencia chaskinanchiktam garantizan llapallan rantisqankunata Dios libranankama, chaynapi hatun sumaq kancharichkaq kayninmanta yupay-chananchikpaq.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 1:5

Kuyakuqllaña kaspanmi ancha munasqanman hina ñawpaqmantaraq akllawarqanchikña Jesucristorayku churinkuna kananchikpaq.

Efesios 1:8

Diosmi kuyakuyninta ñoqanchikman llimpariqta qowarqanchik, chaynapi yachayniyuq hinaspa allin yuyayniyuq kananchikpaq.

Efesios 1:9

Paymi munasqanman hina ñawpaqmantaraq pakasqa kaqkunata Cristontakama imam ruway munasqanta reqsichiwarqanchik.

Efesios 3:11

Diosmi ñawpaqmantapuni imam munasqanta Señorninchik Jesucristowan ruwarqa.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Colosenses 3:24

Yachasqaykichikpi hinapas Señorninchikmantam tupasuqnikichik herenciataqa chaskinkichik. Qamkunaqa Señorninchik Cristotam servichkankichik.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

Hebreos 6:17

Chaynapunim Diospas tanteasqanmanta qepamanqa mana kutinmanchu. Chayraykum prometesqankunataqa herencia qosqan chaskiqkunaman juraspan cheqap kasqanta qawachirqa.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:4

Chaynapim qamkunapas chaskinkichik Diospa hanaq pachapi waqaychasqan herenciata, chayqa mana tukuqmi, mana qachachakuqmi, mana chakiqmi.

1~Pedro 3:9

Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik.