Efesios 1:1 - CHUYA QELLQA La Biblia en Quechua de Ayacucho 2012

¹ Diospa munasqanman hina Cristo Jesuspa apostolnin ñoqa Pablom, Éfeso llaqtapi Jesucristoman iñispa payllapaqña sapaqchakuspa kawsaqkunaman qellqamuykichik.

Quechua Ayacucho Bible 1987

¹ Ñoqa Pablom Diospa munasqanman hina Cristo Jesuspa *f**apostolnin kani. Efeso llaqtapi, Jesucristoman iñispa payllapaqña kawsaqkunamanmi cartamuykichik.

Chuya Qellqa 1992

¹ Diospa munasqanman hina Cristo Jesuspa apostolnin ñoqa Pablom, Éfeso llaqtapi Jesucristoman iñispa payllapaqña sapaqchakuspa kawsaqkunamanmi qellqamuykichik.

Efesios 1:1 Iomraidhean Croise

Números 12:7

Serviqniy Moiseswanmi ichaqa mana chaynatachu ruwasaq, payqa llapan serviqniykunamantapas mastam ñoqapi hapipakun.

Lucas 16:10

Asllatapas nanachikuq runaqa, achkatapas allintam nanachikunqa; asllatapas yanqacharuq runaqa, achkatapas yanqacharunqam.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Hechos 18:19

Éfeso llaqtaman chayaruptinkum, Aquilatawan Priscilata chaypi saqeykuspa sapallanña judiokunapa sinagoganman pasarqa, hinaspam chaypi judiokunawan atipanakurqa.

Hechos 18:21

payku-namanta despedikurqa: Dios munaptinqa huktawanmi kutimusaq watukuqnikichik, nispan. Chaymantam barcopi Éfeso llaqtamanta pasakurqa.

Hechos 9:13

Ananiasñataqmi nirqa: Señorlláy, achkaq runakunam willawarqaku chay runamantaqa, payqa Jerusalén llaqtapim qanman iñiqkunata ñakarichirqa.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

1~Corintios 4:12

Makiykuwan llamkaspam llumpayta pisipaniku, runakunam insultawanku, ñoqaykunañataqmi bendeciniku; qatikachawaptinkupas aguantanikum.

1~Corintios 4:17

Chayraykum kachamuchkaykichik Señorpi allin takyaq kuyasqa churiy Timoteota, paymi yuyarichisunkichik imaynam Cristopi kawsasqayta hinaspa imaynam tukuy hinastinpi iñiqku-nata watukuspay yachachisqayta.

2~Corintios 1:1

Diospa munayninman hina Jesu-cristopa apostolnin ñoqa Pablom, wawqenchik Timoteopiwan, Corinto llaqtapi Diospa iglesiaman hinaspa Acaya lawpi kaq iñiqkunaman qellqa-muykiku.

Gálatas 1:1

Ñoqa Pablom apóstol kani, apóstol kayniyqa manam runapa akllawasqanman hinachu, aswanqa kikin Jesucristom hinaspa Dios Taytam akllawarqa, paymi Jesucristota wañusqanmanta kawsarichimurqa.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 3:9

Chaynaqa, haykam Abraham hina iñikuqkunaqa paywan kuskam bendecisqa kanqaku.

Efesios 1:15

Chayraykum qamkunamanta uyarirqani Señorninchik Jesucristopi iñiyniyuq kasqaykichikta hinaspa llapallan iñiqmasinchikkuna kuyasqaykichikta.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 2:13

Kunanmi ichaqa Jesucristoman hukllawasqaña kachkanchik yawarnin chaqchusqanrayku. Qamkunam ñaw-paqtaqa karupi karqankichik, kunan-mi ichaqa hichpallanpiña kachkan-kichik.

Efesios 2:6

Diosqa Jesucristotawan kuskatam kawsariykachiwanchik, chaynataqmi hanaq pachapipas paywan kuskata tiyaykachiwanchikña.

Efesios 6:21

Kuyasqanchik Tiquicom ñoqamantawan imaynam kasqaymanta willa-sunkichik, payqa Señorpa obranpi cheqap yanapakuqmi.

Colosenses 1:2

Colosas llaqtapi Jesucristopi iñiq wawqe-panikunaman qellqamuykiku. Dios Taytanchikpawan Señorninchik Jesucristopa kuyakuyninwan hawkayayninyá qamkunapi kachun.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.