Eclesiastés 9:3 - CHUYA QELLQA La Biblia en Quechua de Ayacucho 2012

³ Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Quechua Ayacucho Bible 1987

³ Kay mana allinmi pasakun kay pachapi lliw ruraykunapi: Llapallantam hina kaqlla pasan. Llapa runakunapas piensan mana allinllatam, wañunankukaman loco hina rurayllapi piensanku, chaymantañam rinku wañuqkunapa kasqanman.

Chuya Qellqa 1992

³ Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allinpa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Eclesiastés 9:3 Iomraidhean Croise

Génesis 6:5

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Jobwan Sutichasqa Libro 15:16

aswanraqchiki millakuypaq huchasapa runaqa, mana allin ruwayta yakuta hinaraq upyaq runaqa.

Jobwan Sutichasqa Libro 21:26

Allpa ukupiqa iskayninkum igualla kanqaku, iskayninkum urupa mikusqan kanqaku.

Jobwan Sutichasqa Libro 9:22

Tukuy imapas chaynallam, chayraykum nini: Huchayuqtapas mana huchayuqtapas Diosqa iskaynintam chinkachin, nispay.

Proverbios 14:32

Mana allin runataqa mana allin ruwayninkunallam tuñichin, allin ruwaq runam ichaqa wañunankama Diosman hapipakun.

Eclesiastés 1:17

Tukuy sonqoymantam yachayta maskaypi rirqani, mana yachayniyuq kaytawan mana yuyayniyuq kaytapas reqsirurqanim. Hinaspaymi chaykunapas yanqalla kasqanta yacharurqani.

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Eclesiastés 2:14

Yachayniyuq runaqa ñawintam allinta kicharin, mana yachayniyuqmi ichaqa tutayaypi purin. Ichaqa iskayninkutam hina chaynallata imapas pasanqa.

Eclesiastés 7:2

Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Eclesiastés 7:25

Chaymi yachaymanta imaynam kasqanta yachaykuyta munaspay qatipayta qallaykurqani, hinaspaymi hayparurqani mana yachayniyuq kayqa mana allin kasqanta, mana tanteoyuq kayqa locopa ruwaynin kasqanta.

Eclesiastés 8:11

Runata mana allin ruwasqanmanta mana chaylla castigaruptinkuqa, wakin runakunapas chayllam mana allin ruwayman qokurunqaku.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Eclesiastés 9:2

Llapa runapa tukupayninqa hukllam; allin kawsaqpaq mana allin kawsaqpaqpas, allin runapaq mana allin runapaqpas, chuyanchakuqpaq huchallikuqpaqpas, sacrificio qoqpaq mana qoqpaqpas, huchayuqpaq mana huchayuqpaqpas, juraqpaq mana juraqpaqpas.

Eclesiastés 9:4

Kawsaq runapaqqa kanraqmi ñan akllakunanpaq, wañusqa leonmantaqa kawsaq allqoraqmi aswan allinqa.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Lucas 15:17

Huk punchawmi yuyaymanaspan nirqa: “Taytaypa wasinpi llamkaqkunaqa allin mikusqam kachkanku, ñoqañataqmi kaypi yarqaymanta wañuruchkaniña.

Lucas 6:11

Paykunañataqmi llumpayta piñakuspanku Jesusta imatapas ruwarunankupaq tanteanakurqaku.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 26:11

Jesucristota neganankupaqmi ñakarichirqani. Chaynatam llapa sinagogapipas ruwarqani, paykunapaq llumpayta piñakuspaymi ñakarichinaypaq huklaw llaqtakunapipas maskamurqani.

Hechos 26:24

Chaynata Pablo rimarikuptinmi Festoñataq qaparirqa: ¡Pablo locoyarunkim, llumpay yachaynikim locoyarachisunki! nispa.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

2~Pedro 2:16

chaymi mana rimaq china asno, runa hina rimarus-pan huchanmanta anyarqa, hinaspam loco hina ruwasqanta harkakururqa.