Eclesiastés 9:2 - CHUYA QELLQA La Biblia en Quechua de Ayacucho 2012

² Llapa runapa tukupayninqa hukllam; allin kawsaqpaq mana allin kawsaqpaqpas, allin runapaq mana allin runapaqpas, chuyanchakuqpaq huchallikuqpaqpas, sacrificio qoqpaq mana qoqpaqpas, huchayuqpaq mana huchayuqpaqpas, juraqpaq mana juraqpaqpas.

Quechua Ayacucho Bible 1987

² Llapallantam hina kaqlla pasan. Allin ruraqtapas hina kaqlla pasan. Mana allin ruraqtapas hina kaqllam pasan. Allin runatapas hina kaqllam pasan. Mana allin runatapas hina kaqllan pasan. Diospa chaskisqan runatapas hina kaqllam pasan. Hina kaqllam pasan Diospa mana chaskisqan runatapas, Diospaq animal wañuchipuqkunatapas, Diospaq animal mana wañuchipuqkunatapas. Huchayoq runatapas hina kaqllam pasan. Mana huchayoq runatapas hina kaqllam pasan. Juraq runatapas, juray manchakuqtapas hina kaqllam pasan.

Chuya Qellqa 1992

² Llapa runapa tukupayninqa hukllam; allin kawsaqpaq mana allin kawsaqpaqpas, allin runapaq mana allin runapaqpas, chuyanchakuqpaq huchallikuqpaqpas, sacrificio qoqpaq mana qoqpaqpas, huchayuqpaq mana huchayuqpaqpas, juraqpaq mana juraqpaqpas.

Eclesiastés 9:2 Iomraidhean Croise

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

Jobwan Sutichasqa Libro 9:22

Tukuy imapas chaynallam, chayraykum nini: Huchayuqtapas mana huchayuqtapas Diosqa iskaynintam chinkachin, nispay.

Eclesiastés 2:26

Kuyasqan runamanqa Diosmi qon yachayta, yuyayniyuq kayta hinaspa kusikuyta. Huchasapa runamanñataqmi qon llamkaspa tukuy ima montosqanta Diospa kuyasqan runaman saqenanpaq. ¡Chaypas yanqapaqmi hinaspa runata ñakarichiqllam!

Eclesiastés 3:19

Runakunapas animalkunapas chay destinoyuqllam, hina chayna wañuqkamallam, chay samayllawanmi kawsankupas. Runaqa manam animalmanta maschu. ¡Chaypas waspiy hina chinkaruqllam!

Eclesiastés 6:6

Sichum chay runa iskay waranqa watataña kawsaruspan allin kaqkunawan mana kusikuptinqa, ¿manachum iskayninku huk sitiollaman rinqaku?

Eclesiastés 7:18

Allin kaqta hapiynikiqa allinmi mana allin kaqta mana kachariynikipas allinmi. Diosta manchakuq runam ichaqa imapipas allin lloqsinqa.

Eclesiastés 7:2

Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Jeremías 43:6

qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq, reyta waqaychaq soldadokunapa capitannin Nabuzaradán saqerqa. Profeta Jeremiastawan Neriaspa churin Barucmantapas Gedaliasqa nanachikurqam.

Malaquías 3:15

Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

1~Samuel 14:26

Chay monteman llapa runakuna yaykuruspankum tarirurqaku mielta yaku hinaraq lloqsichkaqta, ichaqa chay juramentota manchakuspankum mana pillapas malliykurqachu.