Eclesiastés 9:18 - CHUYA QELLQA La Biblia en Quechua de Ayacucho 2012

¹⁸ Guerrapaq armakunamanta aswan allinqa yachaymi; ichaqa imapipas pantaruyllam ima allin kaqtapas tuñirachin.

Quechua Ayacucho Bible 1987

¹⁸ Guerrapaq armakunamanta aswan allinqa yachayniyoq kaymi. Huk huchallikuq runaqa achka allinkunatapas pierderachinmanmi.

Chuya Qellqa 1992

¹⁸ Guerrapaq armakunamanta aswan allinqa yachaymi; ichaqa imapipas pantaruyllam ima allin kaqtapas tuñirachin.

Eclesiastés 9:18 Iomraidhean Croise

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

Jobwan Sutichasqa Libro 35:8

Mana allin ruwasqaykiqa qam hina runallatam qachachan, allin ruwaynikipas runallatam yanapan.

Eclesiastés 10:1

Wañusqa chuspiqa perfumepa maynaña miski asnaynintapas chinkarachinmi, chaynam sumaq kawsakuq yachayniyuq runapa pantaruyninpas tukuy ima allin ruwayninta chinkarachinman.

Eclesiastés 10:10

Hacha laqoyaruptin mana ñawchiyaykachispa llamkayqa kallpapaqmi, imatapas yachaywan ruwaymi aswan allinqa.

Eclesiastés 2:13

Kaytam rikurqani: Imaynam achkiypas tutayaymantaqa aswan allin, chaynam yachayniyuq kaypas mana yachayniyuq kaymantaqa aswan allin.

Eclesiastés 7:12

Yachayqa qollqe hinam waqaychakun; chaywanpas yachaymi aswan allinqa, hatalliqninkunaman kawsayta qosqanrayku.

Eclesiastés 7:19

Llaqtapi kamachikuq chunka runakunamantapas mastaqa yachayninmi kallpanchan yachayniyuq runataqa.

Eclesiastés 9:16

Chayraykum ñoqa nini: Wakcha runapa yachaynin wischupakusqa kaspa mana pipa uyarisqanña kaptinpas, kallpasapa kaymantaqa yachayniyuq kaymi aswan allinqa, nispa.

2~Timoteo 3:8

Imaynam Janeswan Jambrespas Moisespa contranpi karqaku, chaynam kay runakunapas cheqap yachachikuykunapa contranpi kachkanku. Mana allin yuyaymanayniyuq kaspankum Jesucristoman mana iñisqankurayku Diospa mana chaskisqan kachkanku.

Josué 22:20

Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:5

Hai llaqtayuqkunam urayninpaman qatimuspa Israel tropakunata venceruspa yaqa kimsa chunka soqtayuqta wañurachimurqaku, hinaspam llaqtapa pun-kunmanta Sebarim lawkama qatiramurqaku. Chayraykum llapa runakuna pasaypaqta hukmanyarurqaku.

1~Samuel 14:30

Maynataraq tropanchikkuna kallpanchakunman karqa enemigonchikkunamanta qechusqanchikta mikuykuspaqa. ¡Maychikataraq filisteokunata wañuchichwan karqa! nispa.