Eclesiastés 9:11 - CHUYA QELLQA La Biblia en Quechua de Ayacucho 2012

¹¹ Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Quechua Ayacucho Bible 1987

¹¹ Kay pachapim kaykunatapas rikurqanitaq: Manam apurawman kallpaqchu carrerapiqa ganan. Manam valeroso soldadochu guerrapiqa ganan. Mana yachayniyoq runapaqpas pisinmanmi mikuyqa. Entiendeq runapaqpas pisinmanmi qori-qollqeqa. Yachaysapa runapaqpas pisinmanmi favorqa. Aswanqa sapakamapaqmi hamun tiempon. Aswanqa sapakamapaqmi hamun suerten.

Chuya Qellqa 1992

¹¹ Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Eclesiastés 9:11 Iomraidhean Croise

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

2~Crónicas 20:15

chaymi nirqa: Judá runakuna, Jerusalenpi yachaqkuna, qampas rey Josafat, uyariwaychik. Tayta Diosmi kaynata nisunkichik: Kay nana-nanaq tropakunapa qay-llanpiqa ama manchakuychikchu nitaq hukmanyaychikchu, kay guerraqa manam qamkunapachu, aswanqa Diospam.

Jobwan Sutichasqa Libro 34:29

Sichum Dios upallaruptin ¿pitaq payta acusanman? Sichum Dios uyanta pakaykuptin ¿pitaq qawayta atinman? Diosqa llaqtakunatapas runakunatapas qawachkanmi,

Proverbios 1:5

Yachayniyuq runapas chayta uyarispanmi yachayninta huntachin, yachayniyuq runapas aswanraqmi yachayta chaskinqa,

Eclesiastés 2:12

Chaymantam yuyaymanarqani yachayniyuq kaymanta, mana yachayniyuq kaymanta hinaspa mana tanteoyuq kaymanta. ¿Imataraqtaq qepay hamuq rey ruwanman? Manam imatapas ruwanqachu, aswanqa ruwasqa kaqkunallatam.

Eclesiastés 3:14

Yachanim Diospa ruwasqankunaqa wiñaypaq kasqanta, manam chaymanqa imatapas yapachwanchu nitaq qechuchwanchu. Diosmi chaynata ruwarqa runakuna payta manchakunankupaq.

Eclesiastés 3:17

Chaymi sonqoypi nirqani: Allin runatapas mana allin runatapas Diosmi juzganqa; imapas tiempollanpim pasakun, ima ruwaypas tiempoyuqllam, nispay.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Eclesiastés 7:13

Diospa ruwayninkunatayá qawariy. ¿Pitaq paypa qewisqanta derecharunman?

Eclesiastés 9:2

Llapa runapa tukupayninqa hukllam; allin kawsaqpaq mana allin kawsaqpaqpas, allin runapaq mana allin runapaqpas, chuyanchakuqpaq huchallikuqpaqpas, sacrificio qoqpaq mana qoqpaqpas, huchayuqpaq mana huchayuqpaqpas, juraqpaq mana juraqpaqpas.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Jeremías 46:6

Maynaña kallpaqpas manam lluptiyta atinchu, allinnin qari-qari soldadopas manam ayqeyta atinchu, Eufrates mayupa norte lawninpim mitkarunku.

Jeremías 48:14

Moab nacionqa amayá nichkachunchu: “Allinnin qari-qari soldadokunam kaniku” nispaqa, nitaq “guerrapi peleaq tropakunam kaniku” nispapas.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Efesios 1:11

Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

Deuteronomio 8:18

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

1~Samuel 17:50

Chaynatam David chay filisteota warakawan hinaspa huk rumillawan vencerurqa; wañuchinanpaq makinpi espada mana kaptinmi,

1~Samuel 6:9

Ichaqa kaytam qawasunchik, sichum chay carreta qespinqa Bet-semes llaqtaman ñanninta, hinaptinqa chaypim yachasun Israelpa Diosnin kay ñakariykuna churamusqanta, mana chayna kaptinqa yachasunchiktaqmi chay castigoqa mana paymanta hamusqanta, aswanqa yanqa onqoylla kasqanta, nispa.