Eclesiastés 9:10 - CHUYA QELLQA La Biblia en Quechua de Ayacucho 2012

¹⁰ Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Quechua Ayacucho Bible 1987

¹⁰ Kallpaykiman hina ruray ima ruranaykitapas. Wañuruspaqa manañam rurankichu imatapas. Manañam piensankichu imatapas. Manañam yachankichu imatapas. Manañam yuyankichu imatapas.

Chuya Qellqa 1992

¹⁰ Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Eclesiastés 9:10 Iomraidhean Croise

Génesis 37:35

Chaymi llapallan churinkuna consuelanankupaq asuykurqaku, ichaqa paymi consuelanankuta mana munaspan nirqa: Churiymantaqa wañukunaykamam llakikusaq, nispa. Chaynata nispanmi waqallarqa.

1~Crónicas 22:19

Chaynaqa, tukuy sonqoykichikwanyá Tayta Diosta maskaychik, hinaspayá Tayta Diospa santuarionta hatarichiychik, chaynapi Tayta Diospa pacto ruwasqan Arcatawan paypaq sapaqchasqa serviciokunata Tayta Diospaq ruwasqaykichik temploman apanaykichikpaq, nispa.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

Nehemías 2:12

tuta hatarispay wakin qarikunapiwan pasarqaniku, ichaqa manam pimanpas willarqanichu Jerusalenpi imam ruwanaypaq Diospa sonqoyman churasqantaqa. Ñoqapa sillakusqay animalmanta huk animalqa manam rirqachu.

Nehemías 4:2

wawqenkunapa chaynataq Samaria tropakunapa qayllanpi kaynata nirqa: ¿Imatataq kay mana kallpayuq judiokuna ruwachkanku? ¿Yapamantachu murallakunata hatarichispanku sacrificiokunata ofrecenqaku? ¿Yaqachu huk punchawllapi tukurunqaku? ¿Yaqachu waknaña allpa ukumanta llapa kañasqa rumikunata hurqospa musoqyachinqaku? nispa.

Nehemías 4:6

Chaywanpas hinam llamkarqaniku, chaymi llapa runakuna kusikuyllawanña perqasqankurayku chawpikama hatarirachirqaniku.

Jobwan Sutichasqa Libro 10:21

Manaña kutimuy atina lugarman manaraq richkaspay, tutayaypa wañuypa kasqanman manaraq richkaspay,

Jobwan Sutichasqa Libro 10:22

manaraq chay tutayay nacionman richkaspay, chay nacionpiqa chaqwapa, tutayaypa kananmi, chaypiqa achkiypas rikchakun tutayaymanmi, nispa.

Jobwan Sutichasqa Libro 21:13

Paykunaqa hawkam kawsakunkupas, hawkallam wañukunkupas.

Proverbios 3:28

Runamasikita kunan yanapaykunaykipaq kachkaptinqa, amayá “paqarinña kutimuy” niychu.

Eclesiastés 11:3

Puyukuna armakuptinqa param allpaman chayamunqa. Sachaqa sur lawman otaq norte lawman wichispanpas, maymi wichisqanpim kanqa.

Eclesiastés 11:6

Tutapaymanta muhuykita tarpuy, tardenpas ama makikita samachiychu; manam yachankichu mayqanmi allin qespinantapas, otaq iskaynin chaynakamalla qespinantapas.

Isaías 38:10

Ñoqam nirqani: Kallpallaypiraqchiki wañukusaq, wañuqkunapa kasqanmanñachiki risaq kaykamallañachiki kawsasaq.

Jeremías 29:13

Mas-kawaspaykichikpas tariwankichikmi, tukuy sonqoykichikwan maskawasqaykichikrayku.

Números 13:30

Calebñataqmi, runakunata upallachispan Moisespa qayllanpi nirqa: Rispanchik chay allpata hapimusunchik, chaypi yachaq runakunataqa vencesunchikmi, nispa.

Mateo 20:7

Chaymi paykuna nirqaku: “Llam-kanaykupaqqa manam pipas minkawankuchu”, nispanku. Hinaptinmi nirqa: “Qamkunapas chakrayman rispa llamkamuychik, imam kaqtam pagasqaykichik”, nispa.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Juan 5:4

Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Juan 9:4

Punchawraq kachkaptinqa kachamuwaqniypa ruway-ninkunapim llamkanay, tutayaramuptinmi ichaqa manaña pipas llamkayta atinmanñachu.

Romanos 12:11

Kallpanchakuychikyá, ama qellaqa kaychikchu, tukuy sonqoykichikwan Señorninchikta serviychik;

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 16:10

Timoteo chayamusuptikichikqa allinllatam atiendeykunkichik, paypas ñoqa hinam Señorpa obranpi allinta llamkan.

1~Corintios 9:24

Yachasqaykichikpi hinapas llallinakuspa kallpaypiqa achkam kallpanku, ichaqa hukllam premiotaqa chaskin, chaynayá qamkunapas kallpachkaq hina kawsaychik premio chaskinaykichikpaq.

1~Corintios 9:26

Ñoqaqa kallpani manam ñawsa hinachu nitaqmi peleanipas wayrata takachkaq hinachu.

Efesios 5:16

Tiempoykichiktapas amayá usuchiychikchu, kay punchawkunaqa mana allinllañam.

Colosenses 3:23

Tukuy imatapas ruwaspaykichikqa Señorninchikpaq ruwachkaq hinayá ruwaychik, amayá runapaq hinachu.

1~Samuel 10:7

Kay señalkunata rikuchkaspaqa, atisqaykiman hinayá imatapas ruway, Diosmi qanwan kachkan.