Eclesiastés 9:1 - CHUYA QELLQA La Biblia en Quechua de Ayacucho 2012

¹ Tukuy kaykunamanmi tukuy sonqoymanta qokururqani, chaynapi allin ruwaq runakunawan yachayniyuqkunapas, chaynataq ruwayninkunapas Diospa makinpi kasqanta yachanaypaq. Runaqa qayllanpi kachkaptinpas, manam yachanchu imam kuyakuy nitaq cheqnikuy kasqantapas.

Quechua Ayacucho Bible 1987

¹ Llapa chaykunata estudiaruspaymi yacharuni: Allin ruraqkunapas chaynataq yachayniyoqkunapas rurasqankupiwanmi Diospa makillanpi kachkan. Runaqa manam yachanchu kuyakuypas otaq cheqnikuypas payman hamunanta.

Chuya Qellqa 1992

¹ Tukuy kaykunamanmi tukuy sonqoymanta qokururqani, chaynapi allin ruwaq runakunawan yachayniyuqkunapas, chaynataq ruwayninkunapas Diospa makinpi kasqanta yachanaypaq. Runaqa qayllanpi kachkaptinpas, manam yachanchu imam kuyakuy nitaq cheqnikuy kasqantapas.

Eclesiastés 9:1 Iomraidhean Croise

Jobwan Sutichasqa Libro 12:10

Diospa makinpim llapallan kawsaqkunapa vidanqa kachkan, paypa makinpitaqmi llapallan runakunapa espiritunpas kachkan.

Jobwan Sutichasqa Libro 27:12

Llapallaykichik tukuy kaykunata rikuchkaspaqa, ¿imanasqataq yanqakunataqa rimankichik?

Jobwan Sutichasqa Libro 5:8

Qam kaspayqa Tayta Diosmanmi kutirikuyman, sasachakuyniytapas paypa makinmancha churaykuyman.

Proverbios 16:3

Ima ruwasqaykitapas Tayta Diospa makinman churay, hinaptinqa imaña ruway munasqaykipas ruwasqam kanqa.

Eclesiastés 1:17

Tukuy sonqoymantam yachayta maskaypi rirqani, mana yachayniyuq kaytawan mana yuyayniyuq kaytapas reqsirurqanim. Hinaspaymi chaykunapas yanqalla kasqanta yacharurqani.

Eclesiastés 10:14

Mana yachayniyuq runaqa ancha rimaysapam. Imam pasakunanta mana pipas yachachkaspaqa, ¿pitaq willanman paymanta qepaman imam pasakunantaqa?

Eclesiastés 7:15

Yanqa kawsayniypim kaykunata rikurqani: Allin ruwaq runaqa allin ruwaq kachkaspapas chaylla wañusqanta, mana allin ruwaqñataqmi mana allin ruwaq kachkaspapas unay kawsasqanta.

Eclesiastés 7:25

Chaymi yachaymanta imaynam kasqanta yachaykuyta munaspay qatipayta qallaykurqani, hinaspaymi hayparurqani mana yachayniyuq kayqa mana allin kasqanta, mana tanteoyuq kayqa locopa ruwaynin kasqanta.

Eclesiastés 8:14

Kay pachapiqa mana pasaq kaqkunallam pasakun; kanmi allin ruwaq runakuna ichaqa mana allin ruwaqkuna hinam ñakarinku. Kantaqmi mana allin runakunapas ichaqa allin ruwaqpas hinaraqmi hawka kawsakunku. Nisqayman hinaqa yanqapaqmi chaykunaqa.

Eclesiastés 8:16

Kay pachapi tukuy ima ruwasqankuta yachaypi rispaymi chaynataq yachayta haypaypi rispaymi, tutapas punchawpas mana puñuyta atirqanichu.

Eclesiastés 8:7

imakunam pasakunanmanta hinaspa haykapim pasakunanta mana yachayninmi. ¿Pitaq payman chaykunamanta willanman?

Eclesiastés 9:6

Kuyakuyninkupas, cheqnikuyninkupas, envidiakuyninkupas chaypim tukurun, kawsaqkunapa kasqanpiqa manañam paykunaqa imatapas ruwanqakuñachu.

Isaías 26:12

Dios Taytallayku hawkallatam kawsachikuwankiku, qamllam tukuy ruwayniykutapas ruwarunki.

Jeremías 43:6

qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq, reyta waqaychaq soldadokunapa capitannin Nabuzaradán saqerqa. Profeta Jeremiastawan Neriaspa churin Barucmantapas Gedaliasqa nanachikurqam.

Deuteronomio 33:3

Dios Taytalláy, llaqtaykitam kuyanki, llapallan sapaqchasqaykikunatam waqaychanki, paykunaqa ñawpaqnikipim qonqorakunku, kamachisqaykikunatam chaskikunku.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.