Eclesiastés 8:9 - CHUYA QELLQA La Biblia en Quechua de Ayacucho 2012

⁹ Kay pachapi tukuy ima ruwasqankuta yachaypi rispaymi rikurqani huk runa runamasinta ñakarichinanpaq atiyniyuq kasqanta.

Quechua Ayacucho Bible 1987

⁹ Kay pachapi llapa ruraykunamanta yachanaypaq churakuykuspaymi tukuy kaykunata rikurqani: Kanmi runapaq tiempo runamasinmanta munaychakuspa ñakarichinanpaq.

Chuya Qellqa 1992

⁹ Kay pachapi tukuy ima ruwasqankuta yachaypi rispaymi rikurqani huk runa runamasinta ñakarichinanpaq atiyniyuq kasqanta.

Eclesiastés 8:9 Iomraidhean Croise

2~Reyes 25:7

Sedequías qawachkaptin churinkunata wañurachirqaku, kikintañataqmi ñawinkunata hurqoruspanku cadenawan watasqata Babilonia llaqtaman pusarqaku.

Éxodo 14:28

Yakum maymi kasqanman kutiykuspan carretakunata hinaspa caballopi riqkunata pamparurqa. Israel runakunapa qepanta lamar qochaman qatiykuq Faraonpa tropankunaqa manam chullallapas lluptirqakuchu.

Eclesiastés 1:14

Kay pachapi runakunapa tukuy ima ruwasqanta qawaykuspaymi yuyayta hapirqani, tukuy chaykunaqa yanqalla kasqanta, wayra qatikachay hinalla kasqanta.

Eclesiastés 3:10

Rikurqanitaqmi imaynatam Diosqa runakunaman imapas ruwaykuna qosqanta chaypi llamkaspa kanankupaq

Eclesiastés 3:16

Kay pachapiqa rikurqanitaqmi kaykunatapas: Allin ruwaypa rantinpi mana allin ruwayta, allin ruwaypa rantinpi mana allin kaqkunallata.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Eclesiastés 5:13

Huk manchakuypaq mana allintam kay pachapi rikurqani: Qori-qollqella taqeq runaqa kikinpa sasachakuyllanpaqmi taqen.

Eclesiastés 5:7

Imapipas llumpay yuyaymanayqa manam allinchu kaqkunatawan yanqa rimaykunallatam apamun, qamqa Diostayá hatunchay.

Eclesiastés 5:8

Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Eclesiastés 7:25

Chaymi yachaymanta imaynam kasqanta yachaykuyta munaspay qatipayta qallaykurqani, hinaspaymi hayparurqani mana yachayniyuq kayqa mana allin kasqanta, mana tanteoyuq kayqa locopa ruwaynin kasqanta.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Deuteronomio 2:30

Ichaqa Hesbón llaqtapa reynin Sehonmi allpan pasananchikta mana munarqachu. Señorninchik Tayta Diosmi paytaqa pasaypaq rumi sonqota ruwarurqa, chaynapim ñoqanchikmanña qoykuwarqanchik.