Eclesiastés 8:3 - CHUYA QELLQA La Biblia en Quechua de Ayacucho 2012

³ Qayllanmantaqa amayá utqaymanqa lloqsiruychu. Mana allin ruwaykunamanqa amayá chapukuychu. Reyqa imatapas munasqantam ruwan.

Quechua Ayacucho Bible 1987

³ Reypa qayllanmantaqa amayá utqayman lloqsiychu. Amataqyá mana allinmanqa sayapakuychu. Reyqa imam munasqantam ruran.

Chuya Qellqa 1992

³ Qayllanmantaqa amayá utqaymanqa lloqsiruychu. Mana allin ruwaykunamanqa amayá chapukuychu. Reyqa imatapas munasqantam ruwan.

Eclesiastés 8:3 Iomraidhean Croise

Génesis 47:9

Jacobñataqmi nirqa: Ñoqaqa kay mana llaqtayuq hina purisqaypim pachak kimsa chunka wataypiña kachkani. Kay pisi watakunallapipas sasallatañam kawsarqani, chaywanpas ñawpaq taytaykunapa watankunamanqa manaraqmi haypaniraqchu, nispan.

Proverbios 14:29

Mana chaylla piñakuruq runaqa ancha yachayniyuqmi, chaylla piñakuruq runam ichaqa pasaypaq mana yachayniyuq kasqanta qawachikun.

Proverbios 24:21

Churilláy, Tayta Diosta hatunchay, reytapas kasukuytaq; mana kasukuqkunawanqa ama hukllawakuychu.

Proverbios 30:31

Hatun tukuq utulu, cabrakunapa yayannin chipu, tropankunapa ñawpaqninta riq reypas.

Eclesiastés 10:4

Kamachikuqña qampaq piñakuruptinpas qasillalla kaspa pacienciakuy, pacienciakuymi ima pantaypaqpas hampiqa.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.