Eclesiastés 8:17 - CHUYA QELLQA La Biblia en Quechua de Ayacucho 2012

¹⁷ Chaynapim Diospa tukuy ima ruwasqanta rikurqani, kay pachapi tukuy ima ruwasqantaqa manam runaqa haypayta atinmanchu. Maynataña llamkaspapas otaq maskaspanpas manam tarinqachu; yachayniyuq runapas “reqsinim” nichkaspanpas manam haypayta atinqachu.

Quechua Ayacucho Bible 1987

¹⁷ Diospa tukuy rurasqankunata qawaspaymi cuentata qokuruni: Runaqa manam entiendeyta atinmanchu kay pachapi rurasqa kaqkunamanta, entiendenanpaq maynataña maskaspanpas manam runaqa tarinqachu. Ichapas yachayniyoq runa ninman: “Ñoqam ichaqa yachaniña” nispa. Ichaqa manam cheqaptachu entienderun.

Chuya Qellqa 1992

¹⁷ Chaynapim Diospa tukuy ima ruwasqanta rikurqani, kay pachapi tukuy ima ruwasqantaqa manam runaqa haypayta atinmanchu. Maynataña llamkaspapas otaq maskaspanpas manam tarinqachu; yachayniyuq runapas “reqsinim” nichkaspanpas manam haypayta atinqachu.

Eclesiastés 8:17 Iomraidhean Croise

Jobwan Sutichasqa Libro 5:9

Diosqa yachayninchikpa mana haypasqan kaqkunatam ruwan, admirakuypaq kaqkuna ruwasqanqa mana yupay atinam.

Eclesiastés 1:13

Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 11:5

Imaynam mana yachankichu maynintam wayra risqanta, nitaq imaynam warmipa wiksanpi wawapa tullunkuna wiñasqanta, chaynam tukuy imata unanchaq Diospa ruwasqankunatapas mana reqsinkichu.

Eclesiastés 3:11

Diosqa tiempollanpim imatapas sumaqta ruwarqa, hinaspam runakunaman qorqa wiñaypaq kaqkunamanta yuyaymanananpaq. Chaywanpas runapa yuyaymanayninqa manam haypayta atinmanchu qallariyninmanta tukupayninkama Diospa ruwasqankunataqa.

Eclesiastés 7:13

Diospa ruwayninkunatayá qawariy. ¿Pitaq paypa qewisqanta derecharunman?

Isaías 40:28

¿Manachu yacharqanki? ¿Manachu uyarirqanki? Tayta Diosqa wiña-wiñaypaq kawsaq Diosmi, payqa kay pachata unanchaqmi, manam hukmanyanchu nitaqmi pisipanchu, yachayninpas mana haypay atinam.

Romanos 11:33

¡Mayna hatunmi Diospa atiyninqa! ¡Payqa tukuy yachayniyuq kaspanmi tukuy imata reqsin! ¡Pitaq yachanman imam munasqantawan imam ruwanantapas!