Eclesiastés 8:13 - CHUYA QELLQA La Biblia en Quechua de Ayacucho 2012

¹³ Mana allin runakunam ichaqa sasachakuyllapi kanqaku, manam unaytachu kawsanqakupas; Diosta mana kasukusqankuraykum llantuy hinalla chinkarunqaku.

Quechua Ayacucho Bible 1987

¹³ Mana allin ruraqkunam ichaqa mana allinlla kanqaku. Diosta mana respetasqankuraykum vidanku tukurunqa llantuy hinalla.

Chuya Qellqa 1992

¹³ Mana allin runakunam ichaqa sasachakuyllapi kanqaku, manam unaytachu kawsanqakupas; Diosta mana kasukusqankuraykum llantuy hinalla chinkarunqaku.

Eclesiastés 8:13 Iomraidhean Croise

Jobwan Sutichasqa Libro 14:2

Wayta hina panchiruspanmi chaylla qawirun, llantuy hina pasaruspa chinkaruqllam.

Jobwan Sutichasqa Libro 18:5

Mana allin runapaqqa achkiyninpas wañurunqam, ninanpas manam rupanqañachu.

Jobwan Sutichasqa Libro 20:5

Mana allin runapa asikuyninqa tukuruqllam, Diosta mana kasukuq runapa kusikuyninqa chinkaruqllam.

Jobwan Sutichasqa Libro 21:30

Mana allin runataqa manam imapas pasanchu, paykunamanqa Diospa piñakuyninpas manam chayanchu.

Eclesiastés 3:14

Yachanim Diospa ruwasqankunaqa wiñaypaq kasqanta, manam chaymanqa imatapas yapachwanchu nitaq qechuchwanchu. Diosmi chaynata ruwarqa runakuna payta manchakunankupaq.

Eclesiastés 5:7

Imapipas llumpay yuyaymanayqa manam allinchu kaqkunatawan yanqa rimaykunallatam apamun, qamqa Diostayá hatunchay.

Eclesiastés 6:12

Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Eclesiastés 7:15

Yanqa kawsayniypim kaykunata rikurqani: Allin ruwaq runaqa allin ruwaq kachkaspapas chaylla wañusqanta, mana allin ruwaqñataqmi mana allin ruwaq kachkaspapas unay kawsasqanta.

Eclesiastés 7:18

Allin kaqta hapiynikiqa allinmi mana allin kaqta mana kachariynikipas allinmi. Diosta manchakuq runam ichaqa imapipas allin lloqsinqa.

Eclesiastés 8:8

Manam pipapas kawsakuyninqa rantisqachu kawsakuyninta takyachinanpaqqa, wañuytaqa manam pipas harkanmanchu. Wañuymantaqa manam pipas lluptinmanchu, qari tukuqtaqa, qari tukuq kayninpas manam libranqachu.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 30:13

Chayraykum mana allinkuna ruwasqaykichik tuñirunanpaq raqrasqa alto murallaman rikchakun, chay murallam qonqaymanta chaylla tuñiykamunqa.

Isaías 57:21

Mana allin runakunapaqqa manam haykapipas hawkayay kanchu. Ñoqa Tayta Diosmi chaynata nini.

Isaías 65:20

Chayllaraq naceq wawakunapas chaypiqa manañam wañunqakuchu, yuyaqkunapas unaytam kawsakunqaku; pachak watayuq kachkaspa wañukuyqa warmallanpiraq wañukuy hinam kanqa; pachak watanman manaraq chayachkaspa wañukuyñataqmi ñakasqapaq hapisqa kanqa.

Jeremías 44:10

Mana allinkuna ruwasqaykichikmantaqa kunankamapas manam wanakunkichikraqchu, nitaqmi manchakunkichikpaschu; kawsankichikpas manam taytaykichikkunaman chaynataq qamkunaman qosqay kamachikuyniykunaman hinaspa yachachikuyniykunaman hinachu.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Juan 5:29

Hinaspam allin ruwaqkuna wiñay kawsakuymanña kawsarimunqaku, mana allin ruwaqkunañataq condenasqa kanankupaq.

Santiago 4:14

Qamkunaqa manam yachankichikchu paqarin punchaw imam pasarusunaykichiktaqa. Vidaykichikqa hukta rikuriramuspa chinkaruq puyu hinallam.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.