Eclesiastés 7:26 - CHUYA QELLQA La Biblia en Quechua de Ayacucho 2012

²⁶ Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Quechua Ayacucho Bible 1987

²⁶ Chaymi tarirurqani aswan llaki apamuqqa mana allin warmi kasqanta. Paypa sonqonqa toqlla hinam makinkunapas chaqnaq cadena hinam. Diospa agradonpaq kawsaqllam chay warmimantaqa lluptinqa. Huchallikuq runam ichaqa chay warmiwan presocharachikunqa.

Chuya Qellqa 1992

²⁶ Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Eclesiastés 7:26 Iomraidhean Croise

Génesis 19:35

Chay tutapas taytankuta sinkarachiptinkum sullka kaqñataq paywan puñururqa, taytanmi ichaqa mana musyakurqachu churin ustuykusqanta nitaq hatarisqantapas.

Génesis 39:9

Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Éxodo 10:7

Chaymi Faraonta serviqninkuna nirqaku: ¿Haykapikamataq kay runa sasachakuyllata qowasunchik? Israelpa mirayninkunata kachariy, chaynapi Tayta Diosta yupaychamunankupaq. ¿Manachu rikunki paykunarayku lliw Egipto nacionqa purmachisqa kasqanta? nispanku.

Proverbios 2:16

Yachayqa qosanta engañaq warmimantam librasunki, chayna warmipa miskillaña rimayninmantam waqaychasunki.

Proverbios 22:14

Qosan engañaq warmipa siminqa uku-uku pozom; Tayta Diosta piñachiq runaqa chay pozomanmi wichiykunqa.

Proverbios 6:23

Kamachikuykunaqa mechero hinam, yachachikuykunaqa achkiy hinam; anyasqa kaywan consejasqa kayñataqmi kawsayman pusakuq ñan hina.

Proverbios 6:24

Chaykunam mana allin warmimanta waqaychasunki, qosanta engañaq warmipa miskillaña rimayninmantam harkaykusunki.

Proverbios 9:18

Chay runakunam ichaqa mana yachankuchu chaypiqa wañuy tarikusqanta, chay warmipa convidasqankunaqa wañuyman apakuq kasqanta.

Eclesiastés 2:26

Kuyasqan runamanqa Diosmi qon yachayta, yuyayniyuq kayta hinaspa kusikuyta. Huchasapa runamanñataqmi qon llamkaspa tukuy ima montosqanta Diospa kuyasqan runaman saqenanpaq. ¡Chaypas yanqapaqmi hinaspa runata ñakarichiqllam!

Eclesiastés 7:27

Ñoqa predicadormi tukuy imapas imaynam kasqanta yachaypi rispay, kayta yacharurqani: