Eclesiastés 7:2 - CHUYA QELLQA La Biblia en Quechua de Ayacucho 2012

² Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Quechua Ayacucho Bible 1987

² Convido wasiman riymantaqa wañuchikuqpa wasinman riymi aswan allinqa. Wañuywanmi llapa runa tukurunku. Kawsaq runakunapas chaymantam piensarinanku.

Chuya Qellqa 1992

² Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Eclesiastés 7:2 Iomraidhean Croise

Eclesiastés 2:14

Yachayniyuq runaqa ñawintam allinta kicharin, mana yachayniyuqmi ichaqa tutayaypi purin. Ichaqa iskayninkutam hina chaynallata imapas pasanqa.

Eclesiastés 2:16

Yachayniyuqtapas mana yachayniyuqtapas lliwmi qonqarunqaku; tiempopa risqanman hinam imapas qonqasqa, yachayniyuqpas mana yachayniyuqpas chaynallam wañunqaku.

Eclesiastés 3:19

Runakunapas animalkunapas chay destinoyuqllam, hina chayna wañuqkamallam, chay samayllawanmi kawsankupas. Runaqa manam animalmanta maschu. ¡Chaypas waspiy hina chinkaruqllam!

Eclesiastés 3:20

Lliwmi huk hawaqllaman rinku, lliwpas allpamanta ruwasqallam, allpamantaqmi kutiykunqakupas.

Eclesiastés 6:6

Sichum chay runa iskay waranqa watataña kawsaruspan allin kaqkunawan mana kusikuptinqa, ¿manachum iskayninku huk sitiollaman rinqaku?

Eclesiastés 9:2

Llapa runapa tukupayninqa hukllam; allin kawsaqpaq mana allin kawsaqpaqpas, allin runapaq mana allin runapaqpas, chuyanchakuqpaq huchallikuqpaqpas, sacrificio qoqpaq mana qoqpaqpas, huchayuqpaq mana huchayuqpaqpas, juraqpaq mana juraqpaqpas.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Eclesiastés 9:5

Kawsaqkunaqa yachankum huk punchaw wañurunankuta, wañusqakunam ichaqa mana imatapas yachankuñachu, nitaqmi imatapas suyankuñachu; chayraykum paykunaqa qonqasqaña.

Isaías 47:7

“Wiñaypaq munaychakuq señoram kasaq”, nispam nirqanki, ichaqa manam kaykunamanta tantearqankichu, nitaqmi imaynam kaykuna tukurunantapas yuyaymanarqankichu.

Jeremías 16:8

Amataqmi convidopa kasqan wasi-manpas yaykunkichu, paykunawan mikuspa vinota upyanaykipaqqa.

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Números 23:10

Jacobpa mirayninkunaqa ñutu allpa hinañam, ¿pitaq yupayta atinman? ¿Pitaq hayka kasqankutapas yachanman? ¡Ima allinraq kanman allin ruwaq runakuna hina ñoqapas wañukuptiyqa! ¡Ima allinraq kanman paykunapa wañukuyninta hina ñoqapas chinkaruptiyqa! nispa.

Mateo 5:4

Mayna kusisqam waqaqkunaqa, paykunataqa Diosmi consuelanqa.

Deuteronomio 32:29

Yachayniyuq kaspaqa musyakunmankuchá imapim tukurunankutapas.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,