Eclesiastés 7:17 - CHUYA QELLQA La Biblia en Quechua de Ayacucho 2012

¹⁷ Amayá llumpay mana allin ruwaqqa kaychu, nitaq llumpay mana yachayniyuqpas kaychu, ¿imanasqataq manaraq tiempoykipi wañuwaq?

Quechua Ayacucho Bible 1987

¹⁷ Amayá llumpay mana allin ruraqqa kaychu. Amataqyá llumpay sonsoqa kaychu. ¿Imanasqataq manaraq tiempoykipiqa wañuyta munanki?

Chuya Qellqa 1992

¹⁷ Amayá llumpay mana allin ruwaqqa kaychu, nitaq llumpay mana yachayniyuqpas kaychu, ¿Imanasqataq manaraq tiempoykipi wañuwaq?

Eclesiastés 7:17 Iomraidhean Croise

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

Jobwan Sutichasqa Libro 22:16

Paykunaqa lloqllapa apasqan hinam chaylla wañururqaku.

Proverbios 10:27

Tayta Diosta kasukuq runaqa unay punchawkunam kawsakunqa, mana allin runapa kawsayninmi ichaqa menosyachisqa kanqa.

Ezequiel 16:20

Wawaykikunatapas qarita-warmitam mikuyta hinaraq chay idolokunaman ofrecerqanki. ¿Asllapaqchu hapirqanki chuchumikaman tikrakurusqaykita?

Ezequiel 8:17

Chaymi Tayta Dios kaynata niwarqa: Runapa churin, ¿qawachkankichum kaykunata? Judapa mirayninkunataqa manam imapas qokunchu kay millakuypaq kaqkuna ruwayninkuqa. Kay naciontapas mana allin ruwayninkuwanmi huntarachinku. Paykunaqa ñataq-ñataqmi piñachiwanku, millakuypaq ruwasqankupa asnaynintam senqayman chaya-chimunku.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 16:28

Chaymi Pablo qaparispan nirqa: ¡Ama imanakuychu, kaypim lliwchayku kachkaniku! nispa.

Hechos 5:10

Chayta niykuptillanmi Safiraqa Pedropa ñawpaqninman wichiykuspan wañururqa. Chaymi jovenkuna yaykuspanku wañusqataña tariykurqaku, hinaspam aparqaku qosanpa waqtanpi pampamunankupaq.

Hechos 5:5

Chayta uyariruspanmi Ananías pampaman wichiykuspa wañururqa. Chaymi llapallan uyariqkuna anchallataña mancharikururqaku.

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

1~Samuel 25:38

Chunka punchawmantam Nabalta Tayta Dios wañurachirqa.