Eclesiastés 7:16 - CHUYA QELLQA La Biblia en Quechua de Ayacucho 2012

¹⁶ Amayá llumpay allin runaqa kaychu, nitaq llumpay yachaysapapas kaychu. Chayna kaspaqa kikillaykim sasachakuypi tarikurunki.

Quechua Ayacucho Bible 1987

¹⁶ Amayá alli-allin runaqa kaychu. amataqyá llumpay yachaysapapas kaychu. ¿Imanasqataq kikillayki tukuypaq-tukunki?

Chuya Qellqa 1992

¹⁶ Amayá llumpay allin runaqa kaychu, nitaq llumpay yachaysapapas kaychu. Chayna kaspaqa kikillaykim sasachakuypi tarikurunki.

Eclesiastés 7:16 Iomraidhean Croise

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

Jobwan Sutichasqa Libro 11:12

Mana yachayniyuq runaqa manam yachayniyuqmanqa tikrakurunmanchu asnomantaqa manam runaqa nacemunmanchu.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Proverbios 23:4

Ama apuyayllata maskaychu, aswanqa chaypi yuyarayayta saqey.

Proverbios 25:16

Abejapa miskinta tarispaqa atisqallaykitayá mikuy, yanqañataq aminaykikama mikuruspa kutirachiwaq.

Eclesiastés 12:12

Chaynaqa, churilláy, kay yachachikuykunatayá chaskikuy. Libro-kuna qellqayqa manam haykapipas tukunmankuchu, llumpay estudiaypas cuerpotam pisipachin.

Mateo 23:29

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa profetakunapaqmi hatun sepulturakunata ruwapunkichik, allin ruwaq runakunapa sepulturankunatam adornankichik,

Mateo 23:38

Chayraykum wasikichikpas chunninqa.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 9:14

Bautizaq Juanpa discipulonkunam asuykuspanku Jesusta tapurqaku: Fariseokunawan ñoqaykuqa llumpaytam ayunaniku, ¿imanasqataq discipuloykikunaqa mana ayunankuchu? nispanku.

Lucas 18:12

Semanapim iskay kutita ayunani, lliw ganasqaymantapas diezmoytam qoyki”, nispa.

Romanos 10:2

Reqsisqayman hina paykunaqa tukuy sonqonkuwanmi Dios serviyta munanku, aswanqa manam cheqap yachayman hinachu.

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 3:20

Huklawpipas nichkanmi: “Señorqa yachaysapakunapa piensasqantaqa yachanmi, chaykunaqa mana valeqlla kasqantapas yachanmi”, nispa.

Filipenses 3:6

Creesqaykuna cheqappuni kasqanta hapispaymi, Jesucristoman iñiqkunata ñakarichinaypaq qatikacharqani; leyta cumplispaymi mana huchayuq hina kawsarqani.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

Colosenses 2:23

Chaykuna ruwaq runaqa, uchuychakuq tukuspa Dios serviqmanraqmi rikcha-kunkupas cuerponkuta ñakarichis-qankurayku, yanqapaqmi chaykunataqa ruwanku, aychankupa munasqan venceytam ichaqa mana atinkuchu.

1~Timoteo 4:3

Chayna runakunam harkakunqaku: Ama casarakuychikchu, kay-wak mikuytaqa ama mikuychikchu, nispanku. Diosmi lliw mikuykunataqa unancharqa payman agradecekuspa mikunanchikpaq, chaymi iñiqkunaqa cheqap kaqta yachasqanchikrayku imatapas mikuchwanchik.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!