Eclesiastés 6:12 - CHUYA QELLQA La Biblia en Quechua de Ayacucho 2012

¹² Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Quechua Ayacucho Bible 1987

¹² Chinkaruq waspiy hinallam runapa pisi watakuna kawsasqanqa, chay watankunaqa pasarunpas llantuy hinallam. Runapa kawsakusqanpi imapas allin kasqantaqa ¿pitaq yachan? Paypa wañukusqanpa qepantaqa ¿pitaq willanman kay pachapi pasaqkunamanta?

Chuya Qellqa 1992

¹² Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Eclesiastés 6:12 Iomraidhean Croise

1~Crónicas 29:15

Qayllaykipiqa ñawpaq taytayku hina huklaw llaqtayuqllam kaniku, kay pachapiqa kawsayniykupas llantuy hina chinkaruqllam.

Jobwan Sutichasqa Libro 14:2

Wayta hina panchiruspanmi chaylla qawirun, llantuy hina pasaruspa chinkaruqllam.

Jobwan Sutichasqa Libro 14:21

Churinkuna alabasqa kaptinpas payqa manañam yachanqañachu, churinkuna uchuychasqa kaptinpas payqa manañam yachanqañachu.

Jobwan Sutichasqa Libro 8:9

Ñoqanchikqa qayna punchaw naceqllam kanchik, manam imatapas yachanchikchu, kawsayninchikpas kay pachapiqa llantuy hina pasaruqllam.

Eclesiastés 10:14

Mana yachayniyuq runaqa ancha rimaysapam. Imam pasakunanta mana pipas yachachkaspaqa, ¿pitaq willanman paymanta qepaman imam pasakunantaqa?

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 6:11

Cheqaptapunipas achka rimayqa mana allin rimaykunatam mirachin, chayqa manam imapipas runata yanapanchu.

Eclesiastés 7:15

Yanqa kawsayniypim kaykunata rikurqani: Allin ruwaq runaqa allin ruwaq kachkaspapas chaylla wañusqanta, mana allin ruwaqñataqmi mana allin ruwaq kachkaspapas unay kawsasqanta.

Eclesiastés 8:13

Mana allin runakunam ichaqa sasachakuyllapi kanqaku, manam unaytachu kawsanqakupas; Diosta mana kasukusqankuraykum llantuy hinalla chinkarunqaku.

Eclesiastés 8:7

imakunam pasakunanmanta hinaspa haykapim pasakunanta mana yachayninmi. ¿Pitaq payman chaykunamanta willanman?

Eclesiastés 9:6

Kuyakuyninkupas, cheqnikuyninkupas, envidiakuyninkupas chaypim tukurun, kawsaqkunapa kasqanpiqa manañam paykunaqa imatapas ruwanqakuñachu.

Eclesiastés 9:9

Kawsanayki punchawkamayá, kuyasqayki warmikiwan vidata pasaspa sapa punchaw kusikuy, Diospa kawsay qosusqaykiqa waspiy hina chinkaruqllam. Kay pachapi kawsaspa afanakusqaykipa pagonqa chayllam.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Santiago 4:14

Qamkunaqa manam yachankichikchu paqarin punchaw imam pasarusunaykichiktaqa. Vidaykichikqa hukta rikuriramuspa chinkaruq puyu hinallam.