Eclesiastés 5:8 - CHUYA QELLQA La Biblia en Quechua de Ayacucho 2012

⁸ Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Quechua Ayacucho Bible 1987

⁸ Huk kaqnin llaqtapi wakchakunata autoridad ñakarichisqanta qawaspaykiqa chaynataq allin arreglota derechonpi mana ruraptinkuqa amayá admirakuychu. Chay autoridadpa hawanpim kachkan aswan huk autoridad, paykunapa hawanpipas hukkunaraqmi kachkan.

Chuya Qellqa 1992

⁸ Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Eclesiastés 5:8 Iomraidhean Croise

2~Crónicas 26:10

Chunniqpipas torrekunatam ruwachirqa, pozokunatapas achkatam uchkuchirqa; chaykunataqa ruwachirqa achka animalniyuq kasqanraykum, chay animalninkunam tarikurqa orqokunapi hinaspa pampakunapi. Kapurqataqmi uvas chakrankunapi, huertankunapi hinaspa wakin chakrankunapi llamkaq runankunapas, paytaqa chakrapi llamkaymi gustarqa.

Jobwan Sutichasqa Libro 24:23

Diosqa hawkallata saqeykuspanpas imaynam kawsasqankutam qawachkan.

Proverbios 22:16

Apuyananrayku wakchata ñakarichiq runaqa, otaq apuman qoykuq runaqa, wakchayaypim tukunqa.

Proverbios 24:12

“Ñoqaqa manam yacharqanichu” niptikipas juzgasuqnikiqa yacharunqam, imaynam kawsasqaykita qawasuqnikiqa reqsirunqam, sapakamaman ruwayninman hina pagaqmi musyarunqa. -26-

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Eclesiastés 3:16

Kay pachapiqa rikurqanitaqmi kaykunatapas: Allin ruwaypa rantinpi mana allin ruwayta, allin ruwaypa rantinpi mana allin kaqkunallata.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Eclesiastés 5:9

Chaywanpas allpaqa llapallan runapaqmi rurun, reypunipas allpamantam kawsan.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Eclesiastés 8:9

Kay pachapi tukuy ima ruwasqankuta yachaypi rispaymi rikurqani huk runa runamasinta ñakarichinanpaq atiyniyuq kasqanta.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Ezequiel 18:18

Taytanmi ichaqa runamasinta ñakarichisqanmanta, wawqenpa kaqta maqaypawan suwakusqanmanta, llaqtanpi tukuy mana allin kaqkuna ruwasqanmanta, wañunqapuni.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Miqueas 2:9

Llaqtaypi warmikunatam wasinkumanta qarqonkichik, uña wawankumantapas ñoqapa qosqay honorninkutam qechurunkichik.

Zacarías 8:6

Tukuy Atiyniyuq Tayta Diosmi kaynata nin: Sichum tukuy kaykuna, chay tiempopi puchuq runaykunapaq mana ruway atinapaq hina rikchakuptinpas, ñoqapaqqa manam sasachu kanqa, nispa.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Lucas 1:32

Payqa atiyniyuqmi kanqa, chayraykum tukuy imapa hawanpi munaychakuq Diospa Churinwan sutichasqa kanqa. Kikin Diosmi Rey kananpaq ñawpaq taytan Davidpa trononta qoykunqa.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 1:76

Churilláy, qamñataqmi tukuy imapi munaychakuq Diospa profetanwan sutichasqa kanki, qanmi ñanta allichastin Señorpa ñawpaqninta rinki.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Romanos 11:33

¡Mayna hatunmi Diospa atiyninqa! ¡Payqa tukuy yachayniyuq kaspanmi tukuy imata reqsin! ¡Pitaq yachanman imam munasqantawan imam ruwanantapas!

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

1~Pedro 4:12

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa.

1~Juan 3:13

Wawqe-panillaykuna, kay pachapi mana allin ruwaqkuna cheqnisuptikichikqa, amayá hukmanyaychikchu.