Eclesiastés 5:6 - CHUYA QELLQA La Biblia en Quechua de Ayacucho 2012

⁶ Amayá munaychu huchaman simiki wichiykachisunaykitaqa, chaynapi Diospa kachamusqan hamuptin “mana yachaywanmi ruwaruni” nispa mana ninaykipaq. ¿Imapaqtaq rimasqaykikunawan Diosta piñachiwaq chaynapi ruwasqaykikunata tuñirachinanpaqqa?

Quechua Ayacucho Bible 1987

⁶ Amam rimaynikiqa huchallichisunkichu chaynapi prometekusqaykita apaq hamuptin: “Pantarurqanim” nispa ama ninaykipaq. ¿Imapaqtaq rimasqaykikunawanqa Diosta piñachiwaq chaynapi rurasqaykikunata chinkarachinanpaq?

Chuya Qellqa 1992

⁶ Amayá munaychu huchaman simiki wichiykachisunaykitaqa, chaynapi Diospa kachamusqan hamuptin “mana yachaywanmi ruwaruni” nispa mana ninaykipaq. ¿Imapaqtaq rimasqaykikunawan Diosta piñachiwaq chaynapi ruwasqaykikunata tuñirachinanpaqqa?

Eclesiastés 5:6 Iomraidhean Croise

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

Proverbios 23:17

Huchallikuq runataqa amayá envidiakuychu, aswanyá Tayta Diosta tukuy tiempo kasukuy;

Eclesiastés 10:12

Yachayniyuqpa rimasqankunaqa uyarinapaq hinam; mana yachayniyuqpa rimasqanmi ichaqa kikintapunipas sasachakuyman apan,

Eclesiastés 3:14

Yachanim Diospa ruwasqankunaqa wiñaypaq kasqanta, manam chaymanqa imatapas yapachwanchu nitaq qechuchwanchu. Diosmi chaynata ruwarqa runakuna payta manchakunankupaq.

Levítico 4:22

Sichum llaqtapi hukkaqnin kamachikuq huchallikurunqa ñoqa Tayta Diospa hukkaqnin kamachikuyniykunapa contranpi hinaspaqa huchayuqmi kanqa.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Números 15:25

Hinaptinmi Sacerdoteqa Israelpa mirayninkunapa rantinpi ofrecemuwanqa, chaymi paykunapa mana yachastin huchallikusqankuta pampachasaq. Paykunam hucharayku ofrendata ñoqa Tayta Diosman ofrecemuwanqaku.

1~Corintios 11:10

Chay-raykum warmiqa umanta sukutakunan qariman sujetasqa kasqanta angelkunamanpas qawachinanpaq.

1~Timoteo 5:21

Dios Taytanchikpa, Señor Jesucristopa hi-naspa akllasqan angelkunapa qayllanpim kamachiki kay yachachisqaykunata cumplinaykipaq, amam imatapas ruwankichu pimanpas sayapakuspaqa.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Santiago 1:26

Sichum pipas Dios yupaychaq kasqanpaq hapikuchkaspa, rimasqantañataq mana controlakuq runaqa, kikintam engañakuchkan, Diosta yupaychasqanpas yanqapaqmi kanqa.

Santiago 3:2

Llapa-llanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.