Eclesiastés 5:18 - CHUYA QELLQA La Biblia en Quechua de Ayacucho 2012

¹⁸ Chaynapim kayta allinpaq kasqanta hapirqani: Runapaqqa allinqa kanman mikuspa tomaspa Diospa kawsay qosqanman hina sapa punchaw pisipaywan llamkasqanpa rurunwan kusikuymi. Chaymi Diospa munayninqa.

Quechua Ayacucho Bible 1987

¹⁸ Sumaqtaqa rikchakapuwan kaymi: Runapaq allinqa kanman mikukuyllam, tomakuyllam chaynataq Dios kawsachinan punchawkama ñakariywan llamkasqanmanta kusikuyllam. Chayllam paypa pagonqa.

Chuya Qellqa 1992

¹⁸ Chaynapim kayta allinpaq kasqanta hapirqani: Runapaqqa allinqa kanman mikuspa tomaspa Diospa kawsay qosqanman hina sapa punchaw pisipaywan llamkasqanpa rurunwan kusikuymi. Chaymi Diospa munayninqa.

Eclesiastés 5:18 Iomraidhean Croise

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 2:10

Tukuy ima munasqayta ruwaspaymi aychayta tukuy imawan kusichirqani, chaykuna ruwasqaywanmi sonqoy kusikurqa, chay kusikuymi llamkasqaypa pagon karqa.

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 6:2

Diosmi qon runaman qori-qollqeta, tukuy imata chaynataq reqsisqa kaytapas, imaña munasqanpas mana pisinankama; ichaqa chaykunawan kusikunanta Dios mana munaptinmi, mana reqsisqa runakuna chaykunamanta munaychakun. Chayqa yanqallam, manchakuypaq mana allinmi.

Eclesiastés 8:15

Chayraykum ñoqaqa kusikuyman sayapakuni. Runapa kay pachapi allin ruwayninqa mikukuspa, tomakuspa kusikuymi. Diospa kawsay qosqan punchawkunapi llamkasqanmantaqa chayllatam hurqonqa.

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Jeremías 52:34

Babilonia nacionpa reyninqa, sapa punchawmi rey Joaquinman wañukunan punchawkama mikuchirqa.

1~Corintios 16:16

Ruegakuy-kichikmi paykuna hina llapa yanapakuqkunata hinaspa llamkaqkunatapas kasukunaykichikta.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 26:11

Chaymantam Señornikichik Tayta Diospa tukuy allinkuna qosusqaykichikmanta aylluykichikkunapiwan fiestata ruwankichik. Qamkunawan yachaq levitakunapas chaynataq huklaw llaqtayuqkunapas qamkunawan kuskam kusikunqaku.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.