Eclesiastés 5:1 - CHUYA QELLQA La Biblia en Quechua de Ayacucho 2012

¹ Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Quechua Ayacucho Bible 1987

¹ Diospa templonman yaykuspaykiqa kasukunaykipaqyá asuykuy. Amayá sonso runakuna hinaqa ruraychu. Paykunam animal wañuchisqanku kañasqa ofrendata presentanku ichaqa manam yachankuchu chay rurasqankuqa mana allin kasqanta.

Chuya Qellqa 1992

¹ Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Eclesiastés 5:1 Iomraidhean Croise

2~Crónicas 26:16

Ichaqa ancha atiyniyuq rikuriruspanmi Uziasqa llumpay hatun tukuqllaña rikurirurqa chaynapim wichirurqa. Hatun tukuyninman hinam Tayta Diospa contranpi hatarispan, huk punchaw templonman yaykuspan inciensota altarpi kañarqa, chay ruwayqa sacerdotekunallapa ruwanan kachkaptin.

Jobwan Sutichasqa Libro 11:2

Chayna achkallaña rimaykunaqa contestasqam kanan. ¿Pipas achkallataña rimaspanchum mana huchayuqpaq hapisqa kanman?

Jobwan Sutichasqa Libro 22:12

¿Manachum Diosqa cielokunapa altonpiraq kachkan? Alto-altopi kaq chaskakunamantapas aswan altopiraqmi kachkan.

Éxodo 3:5

Chaymi Dios nirqa: Ama asuykamuwaychu, usutaykita hurqokuy, sarusqayki allpaqa ñoqapaq sapaqchasqam, nispa.

Éxodo 30:18

Broncemanta lavatoriotam mayllakunapaq ruwanki, chay lavatorioqa broncemanta tiyanayuqmi kanqa, chaytaqa Diosman asuykuna carpamanta altarman rinapim churanki, chay lavatorioqa yakuyuqmi kanqa.

Proverbios 10:19

Rimaysapa runaqa pantanpunim, siminta wichqakuy yachaqmi ichaqa yachayniyuq.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Hechos 10:33

Hinaptinmi chaypunilla kachamurqani maskamusunaykipaq. Allinpaqmi hamurunkiqa. Kunanmi Diospa qayllanpi lliwchayku huñunasqa kachkaniku, Señorpa tukuy kamachimususqaykitam uyariyta munaniku, nispa.

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

1~Corintios 11:22

¿Manachu wasikichikpi imapas mikunaykichikpaq hinaspa tomanaykichikpaq kan? Chaynata ruwaspaqa Diospi iñiq-kunatam despreciachkankichik, chaynataqmi wakchakunata penqayman churachkankichik. ¿Imatataq nikichikman? ¿Alabaykichikmanchu? ¡Manam kaymantaqa alabaykichikmanchu!

Hebreos 10:26

Sichum cheqap kaqta chaskiruchkaspa hinallaraq huchallikusun, hinaptinqa manañam hucharayku sacrificioqa kanñachu,

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Josué 5:15

Chaymi Tayta Diospa tropankunapa kamachiqnin nirqa: Usutaykita hurqokuy, kay sayasqayki allpaqa chuyam, Tayta Diospaq sapaqchasqa sitiom, nispa. Hinaptinmi Josué chaynata ruwarqa.