Eclesiastés 4:1 - CHUYA QELLQA La Biblia en Quechua de Ayacucho 2012

¹ Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Quechua Ayacucho Bible 1987

¹ Qawarispaymi kay pachapi tukuy ñakariyta rikurqani: Ñakariqkunam waqanku ichaqa manam pipas consuelaqnin kanchu. Atiyniyoqkunam ñakarichinku ichaqa manam pipas consuelaqnin kanchu.

Chuya Qellqa 1992

¹ Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Eclesiastés 4:1 Iomraidhean Croise

Jobwan Sutichasqa Libro 16:4

Ñoqapa ñakarisqayta qamkuna ñakariptikichikqa ñoqapas qamkuna hinachá rimachkayman, asikuq hinachá umayta kuyuchispay qamkunapa contraykichikpi rimachkayman.

Jobwan Sutichasqa Libro 35:9

Runakunaqa llumpayta ñakarispankum qayakunku, paykunaqa munaychakuqkunapa makinmanta librasqa kanankupaqmi qayakunku.

Jobwan Sutichasqa Libro 6:29

Rimasqaykichikta asuchiychik, ama yanqamanta juzgawaychikchu, ñoqaqa mana huchayuqmi kani.

Jobwan Sutichasqa Libro 9:24

Mana allin runakunapa makinmanmi kay pachatapas churaykun, paymi juezkunapa ñawintapas wichqarun. Sichum Dios mana chaykunata ruwaptinqa ¿pitaq chayta ruwan?

Éxodo 1:16

Hebreo casta warmikunata qespichispaykichikqa imam wawa kasqantam qawankichik; qari kaptinqa wañuchinkichikmi, warmi kaptinmi ichaqa ama imanankichikchu, nispa.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Proverbios 19:7

Sichum wakcha runata wawqenkuna cheqniptinkuqa, aswanraqchiki amigonkunaqa qepancharunqaku, paykunamantaqa yanapakuytapas manam tarinqachu.

Proverbios 28:3

Wakchamasinta suwakuq runaqa kawsayta tukuruq loco para hinam.

Proverbios 29:2

Allin ruwaq runakuna munaychakuptinqa llaqtam kusikun, millay runa munaychakuptinmi ichaqa llaqta ñakarin.

Eclesiastés 3:16

Kay pachapiqa rikurqanitaqmi kaykunatapas: Allin ruwaypa rantinpi mana allin ruwayta, allin ruwaypa rantinpi mana allin kaqkunallata.

Eclesiastés 5:8

Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Eclesiastés 8:9

Kay pachapi tukuy ima ruwasqankuta yachaypi rispaymi rikurqani huk runa runamasinta ñakarichinanpaq atiyniyuq kasqanta.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 51:23

Aswanqa ñakarichisuqniki nacionkunamanmi chay vasomanta tomachisaq; paykunam nisuq kanki: “Hawaykita purinaykupaq pakchakuy”, nispanku. Chaymi allpata hina sarupasunaykipaq, ñanta hinam wasaykita pampaman churarqanki.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Jeremías 16:7

Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Lamentaciones 1:16

Chayraykum waqachkani, paray mayum weqellaypas suturichkan, manam piniypas consuelawaqniy kanchu, manam kallpanchaqniypas kanchu. Enemigoykunam venceruwaspa wawaykunata lliw wañurachin.

Lamentaciones 1:17

Sión llaqtam qayakuspan makinkunata haywarin, ichaqa manam pipas consuelaqnin kanchu; Tayta Diosmi kamachikurqa, Jacobta enemigonkuna muyurirunanpaq; Jerusalenmi qayllankupi millakuypaq rikurirqa.

Lamentaciones 1:2

Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Malaquías 2:13

Chaywanpas qamkunaqa chayna runamantapas mastaraqmi ruwanki-chik: Qamkunaqa Diospa altarnintapas weqekichikwan nuyuchispam qaparis-paraq waqankichik. Chaynataqa ruwan-kichik ofrenda apamusqaykichikta Tukuy Atiyniyuq Tayta Dios manaña chaskisuptikichikmi.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Mateo 26:56

Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Deuteronomio 28:48

Tayta Diospa kachamusqan enemigoykichikkunatam yarqasqa, yakunayasqa, mana pachayuq hinaspa tukuy imamantapas wakchayasqa servinkichik. Wañunaykichikkamam fierro yugota apachichkaq hina paykunata Tayta Dios servichisunkichik.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.