Eclesiastés 3:8 - CHUYA QELLQA La Biblia en Quechua de Ayacucho 2012

⁸ Kanmi tiempo kuyanapaq kantaqmi cheqninapaqpas, kanmi tiempo guerrapi kanapaq kantaqmi hawkayanapaqpas.

Quechua Ayacucho Bible 1987

⁸ Kanmi pitapas kuyanapaq tiempo. Kanmi pitapas cheqninapaq tiempo. Kanmi guerrapi peleanapaq tiempo. Kanmi hawkayaypi kanapaq tiempo.

Chuya Qellqa 1992

⁸ Kanmi tiempo kuyanapaq kantaqmi cheqninapaqpas, kanmi tiempo guerrapi kanapaq kantaqmi hawkayanapaqpas.

Eclesiastés 3:8 Iomraidhean Croise

1~Reyes 5:4

Kunanqa Tayta Diosmi tukuy hinastinpi hawkayayta qoykuwan, manañam enemigoykunapas nitaq ima mana allinpas kanñachu.

2~Reyes 9:22

Jehuta rikuruspanmi Joram nirqa: ¿Hawkayaypichu hamuchkanki? nispa. Chaymi Jehuñataq nirqa: ¿Ima hawkayaytataq aparamusqayki, mamayki Jezabelpas tukuy rikchaq idolokunata qatispa brujeriakunata ruwachkaptinqa? nispa.

2~Crónicas 19:2

Hinaptinmi Hananipa churin profeta Jehú taripaykuspan rey Josafatta, nirqa: ¿Imanasqataq mana allin ruwaq runakunata yanapanki hinaspa Tayta Dios cheqniqkunata kuyanki? Chayraykum Tayta Diospas qampaq piñakurun.

Proverbios 13:5

Allin kawsakuq runaqa llullakuytam cheqnin, mana allin runam ichaqa cheqnichikun hinaspam penqaypi tarikun.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Lucas 14:26

Pipas qatiwayta munaqqa, taytan-mantapas, mamanmantapas, warmin-mantapas, churinkunamantapas, wawqen-kunamantapas, paninkunamantapas hinaspa kikinpa vidanmantapas mastaqa ñoqatam kuyawanan. Mana chayna kaspaqa manam discipuloyqa kanmanchu.

Efesios 3:19

Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Efesios 5:25

Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta qoykusqanta hina.

Tito 2:4

Sipas warmikunatayá yachachichunku imaynam qosanku kuyayta, wawanku kuyayta,

Josué 11:23

Josueymi llapallan allpata hapikuykurqa, Moisesman Tayta Diospa nisqa-nman hina. Chay allpatam Israelpa mirayninkunaman herencianku kananpaq sapa aylluman tupaqninta qorqa. Chaymantapunim chay allpapiqa manaña guerra karqachu.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.