Eclesiastés 3:7 - CHUYA QELLQA La Biblia en Quechua de Ayacucho 2012

⁷ Kanmi tiempo llikinapaq kantaqmi siranapaqpas, kanmi tiempo upallanapaq kantaqmi rimanapaqpas.

Quechua Ayacucho Bible 1987

⁷ Kanmi pacha llikinapaq tiempo. Kanmi pacha siranapaq tiempo. Kanmi upallanapaq tiempo. Kanmi rimanapaq tiempo.

Chuya Qellqa 1992

⁷ Kanmi tiempo llikinapaq kantaqmi siranapaqpas, kanmi tiempo upallanapaq kantaqmi rimanapaqpas.

Eclesiastés 3:7 Iomraidhean Croise

Génesis 37:29

Rubenñataqmi chay pozoman kutispa Joseyta manaña tarispan, llakimanta pachankunata llikipakurqa.

Génesis 37:34

Hinaspanmi Jacobqa llakimanta pachanta llikipakuspa luto pachawan churakurqa, hinaspam churinmanta achka punchawta waqallarqa.

Génesis 44:18

Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

Génesis 44:34

¿Imaynataq mana warmantinqa taytayman kutiykuyman? Manam munaymanchu taytayta imapas pasarunantaqa, nispa.

2~Samuel 1:11

Chayta uyariykuspanmi Davidqa runankunapiwan pachankuta llikiparqaku.

2~Samuel 3:31

Chaymantam Joabta runankunatawan David kamachirqa: Pachaykichikta llikipakuspa, qachqa pachawan churakuychik hinaspa Abnerpa wañukusqanmanta waqaychik, nispa. Rey Davidmi chakanapi kaq ayapa qepanta qatirqa.

1~Reyes 21:27

Chaykunata uyariykuspanmi Acabqa pachanta llikiparurqa, hinaspam qachqa pachawan churakuruspa ayunarqa. Hina chay qachqa pachantillanmi puñurqapas, hinaspam llakisqallaña purirqa.

2~Reyes 18:36

Uyariqnin runakunañataqmi upallalla kaspanku mana imatapas nirqakuchu. Reymi paykunata kamachirqa: Amam imatapas rimarinkichikchu, nispa.

2~Reyes 5:7

Israel nacionpa reyninñataqmi cartata leeruspan pachanta llikipaspan nirqa: ¿Ñoqaqa Dioschu kani runata wañuchi-naypaq otaq kawsachinaypaqpas, chay-napi kay onqoqta kachamuwaptin sanoyachinaypaq? Yachaychikyá kaywanqa manam imatachu munan aswanqa guerrapi ñoqawan peleayllatam, nispa.

2~Reyes 6:30

Chayta uyariruspanmi reyqa pachanta llikipaspan muralla hawanta rirqa. Chaymi llapa runakuna rikururqaku reyqa pachanpa ukunpi luto pachayuq kasqanta.

Ester 7:4

Llaqtamasiy-kunawan kuskam rantikusqa, ñakarichisqa, wañuchisqa, chinkachisqa kanaykupaqña citasqa kachkaniku. Sichum esclavo kanaykupaq rantikusqa kaspaqa upallakuykuymanmi, manam umayki nanachiq hamuymanchu karqa, nispa.

Jobwan Sutichasqa Libro 2:13

Hinaspam Jobwan kuska pampapi tiyaykurqaku. Jobpa nanaynin llumpa-llumpay kasqanraykum paykunaqa mana imallatapas rimapayaspanku qanchis punchaw qanchis tuta chaynalla karqaku.

Eclesiastés 3:6

Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Isaías 36:21

Uyariqnin runakunañataqmi upallalla kaspanku mana imatapas nirqakuchu. Reymi paykunata kamachirqa: Amam kutipakunkichikchu, nispa.

Jeremías 36:24

Chay palabrakunata uyarichkaspapas manam reypas nitaq serviqninkunapas manchayllapas mancharikurqakuchu, nitaqmi pachankutapas llikiparqakuchu.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Lamentaciones 3:28

Runata Tayta Dios kamachiptinqa, sapallan tiyaspanyá upallalla suyachun.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Amós 5:13

Chayraykum allin yuyayniyuq runaqa upallakun, tiempokuna mana allinña kasqanrayku.

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Miqueas 7:5

Reqsinakusqaykipa nisqantapas ama creeychu, kamachikuqpipas ama hapipakuychu, puñuqmasikimantapas cuidakuy, simikitapas wichqakuy.

Hechos 4:20

Ñoqaykuqa manam upallaymankuchu rikusqaykumantawan uyarisqaykumanta willakuytaqa, nispanku.

Hechos 9:39

Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

1~Samuel 10:16

Hinaptinmi tionta Saúl nirqa: Asnokunapa rikurirusqantañam willay-kuwarqaku, nispa. Imaynam rey kananmanta Samuelpa rimapayasqantam ichaqa mana imallatapas willarirqachu.