Eclesiastés 3:6 - CHUYA QELLQA La Biblia en Quechua de Ayacucho 2012

⁶ Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Quechua Ayacucho Bible 1987

⁶ Kanmi maskanapaq tiempo. Kanmi chinkachinapaq tiempo. Kanmi waqaychanapaq tiempo. Kanmi wischunapaq tiempo.

Chuya Qellqa 1992

⁶ Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Eclesiastés 3:6 Iomraidhean Croise

Génesis 31:18

Padan-aram lawpi llapallan animalkuna armasqanta qatirikuspa, Canaán lawpi taytan Isaacpa kasqanman kutikurqa.

2~Reyes 5:26

Hinaptinmi Eliseo nirqa: Maypacham chay runa carretanmanta uraykamuspa chaskiykusuptikim yuyayniypi rikuchkarqayki, ichaqa manam qollqeta, pachakunata, aceituna huertakunata, uvas huertakunata, ovejakunata, torokunata hinaspa criadokunata chaskikuna tiempochu.

2~Reyes 7:15

Rispankum Jordán mayukama chayarurqaku, hinaspam Siria tropakuna lluptispa wichichisqanku pachakunatawan llapa imakunata ñanpi tarirqaku. Chaymi kutiramuspanku reyman willaykurqaku.

2~Reyes 8:9

Damasco llaqtapi tukuy ima allinnin kaqkunamanta regalota tawa chunka camellokunapi cargarikuspanmi Eliseota watukuq Hazael pasarqa. Chayaruspanmi paypa qayllanpi sayaykuspan nirqa: Siria nacionpa reynin churiki Ben-adadmi kachamuwan kaynata nispan: “¿Kay onqoyniymanta sanoyasaqchu icha manachu?”, nispa.

Eclesiastés 11:1

Tantaykita yakuman wischuykuy, punchawkuna pasaruptinmi huktawan tarirunki.

Eclesiastés 3:5

Kanmi tiempo rumikunata cheqechinapaq kantaqmi huñunapaqpas, kanmi tiempo abrazanapaq kantaqmi rakinakunapaqpas.

Eclesiastés 3:7

Kanmi tiempo llikinapaq kantaqmi siranapaqpas, kanmi tiempo upallanapaq kantaqmi rimanapaqpas.

Isaías 2:20

Chay punchawpim llapa runakunaqa, yupaychanankupaq qorimanta qollqemanta ruwakusqanku idolonkunata wischunqaku. Masukunapa ukuchakunapa kasqanmanmi chaykunata wischunqaku.

Jonás 1:5

Barcopi llamkaqkunapas mancharikuspankum diosninkuman sapakama qaparirqaku, hinaspankum barcopi cargakunatapas manaña llasananpaq yakuman wischurqaku. Jonasñataqmi barcopa uku lawninman yaykuruspan miskillataña puñukurqa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Hechos 27:19

Kimsa punchawmantañataqmi kikiykuña barcopa llapa imankunata yakuman wischurqaniku.

Hechos 27:38

Saksa-nankukama mikuruspankum barcota sampayachinankupaq costalpi trigokunata yakuman wischuykurqaku.