Eclesiastés 3:2 - CHUYA QELLQA La Biblia en Quechua de Ayacucho 2012

² Kanmi tiempo nacenapaq kantaqmi wañunapaqpas, kanmi tiempo plantanapaq kantaqmi plantasqata chutanapaqpas.

Quechua Ayacucho Bible 1987

² Kanmi nacenapaq tiempo. Kanmi wañunapaq tiempo. Kanmi plantanapaq tiempo. Kanmi platasqa horqonapaq tiempo.

Chuya Qellqa 1992

² Kanmi tiempo nacenapaq kantaqmi wañunapaqpas, kanmi tiempo plantanapaq kantaqmi plantasqata chutanapaqpas.

Eclesiastés 3:2 Iomraidhean Croise

Génesis 17:21

Pactoytam ichaqa Isaacwan sapinchasaq. Paytam wataman kunan hinata warmiki Sara wachakunqa, nispa.

Génesis 47:29

Israelpa wañukunan punchawmi chayaramurqa, chaymi churin Joseyta qayachimuspan nirqa: Ama hina kaspayki makikita piernay kuchuman churaykuy hinaspa prometiway kay Egipto nacionpiqa ama pampawanaykipaq.

1~Reyes 13:2

Chay profetam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipi wañuchinqa, hawaykipitaqmi runakunapa tulluntapas kañanqa”, nispa.

2~Reyes 4:16

Hinaptinmi Eliseo nirqa: Wataman kunan hinatam qari wawata marqarinki, nispa. Hinaptinmi chay warmi nirqa: Taytalláy, amayá kay serviqnikitaqa burlakuwaychu, nispa.

Jobwan Sutichasqa Libro 14:14

Huk runa wañukuspan, ¿yaqachu kawsarimunmanraq? kawsakuyniypim sapa punchaw suyallasaq, llakikuyniymanta librasqa kanaykamam suyallasaq.

Jobwan Sutichasqa Libro 14:5

Cheqaptapunipas runapa punchawninkunaqa yupasqallam kachkan, hayka killam kawsanantapas qanmi churarqanki, maykamam kawsanantapas qanmi señalarqanki, chaytaqa manam pasanqachu.

Jobwan Sutichasqa Libro 7:1

Kay pachapi runapa vidanqa serviciopi kaq soldadopa vidan hinallam, kawsasqan punchawkunapas llamkapakuqpa punchawnin hinallam,

Proverbios 24:27

Hawapi ruwanaykikunataraq ruwamuy, chakra llamkanaykitaraq llamkamuy, chaymantaña wasikitaqa ruway.

Isaías 28:24

Tarpukuq yapuspanqa manam tukuy punchawchu yapun, nitaqmi tukuy punchawchu kurpatapas ñutun.

Isaías 38:1

Chay punchawkunapim rey Ezequías onqorurqa wañuy patanpiña kanankama. Chaymi Amozpa churin profeta Isaías watukuq rispan payta nirqa: Tayta Diosmi nisunki: “Qamqa wañukunkiñam, chaynaqa aylluykikunaman imaynam kawsanankuta kunay”, nispa.

Isaías 38:5

Ezequiasman kaynata nimuy: Ñawpaq taytayki Davidpa Diosninmi kaynata nin: Mañakuwasqaykitam uyariykuyki, waqasqaykitapas rikuchkanim, chunka pichqayuq watataraqmi kawsachisqayki,

Isaías 54:1

Tayta Diosmi kaynata nin: ¡Mana wachakuq qolluq warmi, llumpayta kusikuy! ¡Mana wachakuq warmi, qaparispa takiy! Qosanpa saqesqan warmiqa, qosayuq warmimantapas achka wawasapam kanqa.

Jeremías 1:10

Kunanmi nacionkunapa hawanman churayki, reykunapa munaychakuyninpa hawanpim churayki, rachunaykipaq chaynataq tuñichinaykipaq, taqmanaykipaq chaynataq chinkachinaykipaq, plantanaykipaq chaynataq hatarichinaykipaq, nispa.

Jeremías 45:4

Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Mateo 15:13

Payñataqmi nirqa: Hanaq pacha Taytaypa mana tarpusqan plantaqa sapinmanta chutasqam kanqa.

Lucas 1:13

Ichaqa chay angelmi nirqa: Zacarías ama manchakuychu, mañakuynikitam Dios uyariykun. Warmiki Elisabetmi qari wawata wachakunqa, paytam Juan nispa sutichanki.

Lucas 1:20

Chaynaqa, nisqaykunata mana creesqaykiraykum churiki nacenankama mana rimaq kanki. Kay nisqaykuna cumplikunankamam mana rimankichu, nispa.

Lucas 1:36

Qolluq nisqanku aylluyki Elisabetpas yuyaqña kachkaspam soqta killa wiksayuqña kachkan, huk qari wawatam wachakunqa.

Juan 16:21

Warmiqa wachakunan tiempo chayaramuptinmi nanaywan tarikun; wawan naceramuptinñataqmi nanayninkunatapas qonqarun, kay pachapi wawan nacerusqanraykum payqa kusikun.

Juan 7:30

Chaynakunata niptinmi presocharuyta munarqaku, ichaqa manaraq tiempon chayamusqanraykum mana presocharurqakuchu.

Hechos 7:17

Abrahamman juraspa Diospa prometesqan tiempo hichpamusqanman hinam, Egipto nacionpi Israel runakuna llumpa-llumpayta mirarurqaku.

Hechos 7:20

Chay tiempopim Moisespas nacerqa. Paymi karqa Diospa kuyasqan suma-sumaq wawa, chaymi tayta-maman kimsa killa wasinkupi uywarqaku.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

Deuteronomio 34:5

Chaymi Tayta Diospa serviqnin Moisés, Moab allpapi wañukurqa Tayta Diospa nisqanpi hina.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,

1~Samuel 2:5

Saksaruspa puchupakuqkunam kunanqa parten tantallapaqña llamkapakuchkanku, yarqaymanta kaqkunam saksasqaña kachkanku, mana wachakuqkunapas qanchiskama wawayuqñam kachkanku, achka wawayuqkunañataqmi mana wachakuqña kachkanku.