Eclesiastés 3:12 - CHUYA QELLQA La Biblia en Quechua de Ayacucho 2012

¹² Runapa ruwayninqa kawsayninpi kusikuspa allin kaqkunata ruwayllam,

Quechua Ayacucho Bible 1987

¹² Yachasqayman hinaqa runapaqa manam imapas allinqa kanchu aswanqa kusikuyllam hinaspa kawsakunankama allin rurayllam.

Chuya Qellqa 1992

¹² Runapa ruwayninqa kawsayninpi kusikuspa allin kaqkunata ruwayllam,

Eclesiastés 3:12 Iomraidhean Croise

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 8:15

Chayraykum ñoqaqa kusikuyman sayapakuni. Runapa kay pachapi allin ruwayninqa mikukuspa, tomakuspa kusikuymi. Diospa kawsay qosqan punchawkunapi llamkasqanmantaqa chayllatam hurqonqa.

Isaías 64:5

Qamqa kusikuywan allinkuna ruwaqkunamanmi, munasqaykiman hina kawsaqkunaman taripaykunki. Ichaqa unay watakunam huchallapi kawsaspayku piñachirqaykiku, chaynaqa ¿imaynataq salvasqa kaymanku?

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 26:11

Chaymantam Señornikichik Tayta Diospa tukuy allinkuna qosusqaykichikmanta aylluykichikkunapiwan fiestata ruwankichik. Qamkunawan yachaq levitakunapas chaynataq huklaw llaqtayuqkunapas qamkunawan kuskam kusikunqaku.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.