Eclesiastés 3:1 - CHUYA QELLQA La Biblia en Quechua de Ayacucho 2012

¹ Kay pachapiqa imapas tiempoyuqllam, kay pachapiqa ima ruwaypas horayuqllam.

Quechua Ayacucho Bible 1987

¹ Kay pachapiqa tukuy imam tiempoyoqlla. Imapas munaruyqa tiempoyoqllam.

Chuya Qellqa 1992

¹ Kay pachapiqa imapas tiempoyuqllam, kay pachapiqa ima ruwaypas horayuqllam.

Eclesiastés 3:1 Iomraidhean Croise

2~Reyes 5:26

Hinaptinmi Eliseo nirqa: Maypacham chay runa carretanmanta uraykamuspa chaskiykusuptikim yuyayniypi rikuchkarqayki, ichaqa manam qollqeta, pachakunata, aceituna huertakunata, uvas huertakunata, ovejakunata, torokunata hinaspa criadokunata chaskikuna tiempochu.

2~Crónicas 33:12

Chayna ñakariypi kaspanmi Mana-sesqa yupaychasqan Tayta Diosta mañakurqa, ñawpaq taytankunapa yupaychasqan Tayta Diospa qayllanpim uchuychakurqa.

Proverbios 15:23

Runaqa tupaqninpi contestasqanwanmi kusikun, ¡mayna allinraqmi tiempollanpi rimayqa!

Proverbios 24:27

Hawapi ruwanaykikunataraq ruwamuy, chakra llamkanaykitaraq llamkamuy, chaymantaña wasikitaqa ruway.

Eclesiastés 1:13

Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 2:17

Chayraykum kawsayniytapas cheqnirurqani, kay pachapi tukuy ima ruwaypas amiruypaqña kasqanrayku. Tukuy imapas huk qawaykuyllam, waspiy hinallam.

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:17

Chaymi sonqoypi nirqani: Allin runatapas mana allin runatapas Diosmi juzganqa; imapas tiempollanpim pasakun, ima ruwaypas tiempoyuqllam, nispay.

Eclesiastés 7:14

Imapas allin lloqsisuptikiqa kusikuyá, sasachakuykuna chayamusuptikiyá ichaqa yuyaymanay. Kusikuytapas sasachakuytapas Diosmi unancharqa, chaynapi llapa runakunaqa qepa punchawkuna imakunam pasakunanta mana yachanankupaq.

Jeremías 46:17

Chaypim qaparichkanku: ¡Egiptopa reynin Faraonqa siminpa atipasqallanmi, manam ima ruwaytapas atinchu! nispanku.

Mateo 16:3

Pacha achikyaytañataqmi puyutawan antaqata rikuspa ninkichik: “Wayra-param kanqa”, nispaykichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempokunapi imakunam pasakusqanmantaqa mana kaqpaqpas hapinkichikchu?