Eclesiastés 2:8 - CHUYA QELLQA La Biblia en Quechua de Ayacucho 2012

⁸ Qorita qollqetam montokururqani, llapa reykunapa huklaw llaqtakunapa kapuqninkunatam huñukururqani. Takiqkunatapas qarikunata warmikunatam huñururqani, tukuy rikchaq tocanakunatam ruwakururqani, runakuna aychanta kusichinanpaq ruwasqanta hina ruwaspaymi ñoqapas kusikurqani, warmiykunapas achkallañam karqa.

Quechua Ayacucho Bible 1987

⁸ Ñoqaqa huñukururqanitaqmi qori-qollqetapas. Chaykunataqa munapayanmi reykunapas. Chaykunataqa munapayanmi nacionkunapas. Kapuwarqam takiqkuna qarikunapas-warmikunapas. Gozakunaypaqmi kapuwarqataq huk warmikunapas.

Chuya Qellqa 1992

⁸ Qorita qollqetam montokururqani, llapa reykunapa huklaw llaqtakunapa kapuqninkunatam huñukururqani. Takiqkunatapas qarikunata warmikunatam huñururqani, tukuy rikchaq tocanakunatam ruwakururqani, runakuna aychanta kusichinanpaq ruwasqanta hina ruwaspaymi ñoqapas kusikurqani, warmiykunapas achkallañam karqa.

Eclesiastés 2:8 Iomraidhean Croise

2~Samuel 19:35

Pusaq chunka watayuqñam kani, mikusqaypa tomasqaypa gustontapas manañam musyaniñachu, qaripa otaq warmipa takisqan uyariytapas manañam atiniñachu, yanqañachá ñoqataqa nanachikuwankimanpas.

1~Reyes 10:10

Hinaspam Salomonman qorqa kimsa waranqa isqon pachak soqta chunka kilo qorita, miski asnaq achka perfumekunata chaynataq alhaja rumikunatapas. Sabá nación reinapa nana-nanaq miski asnaq perfumekuna apamusqanta hinaqa manam pipas Salomonmanqa apamurqakuchu.

1~Reyes 10:14

Salomonmi impuestomanta sapa wata iskay chunka iskayniyuq waranqa kilo qorita chaskiq.

1~Reyes 10:21

Rey Salomonpa tomanan vasokunapas qorimantam karqa, “Líbano monte” sutiyuq palacionpi serviciokunapas qorimantam karqa, qollqemantaqa manam imapas karqachu. Salomonpa tiemponpiqa manam qollqetaqa qawariqkupaschu.

1~Reyes 11:3

Salomonpa warminkunaqa qanchis pachak reinakunam karqa, uywanakusqan warminkunañataqmi karqa kimsa pachak. Chay warminkunam Salomonpa sonqonta Tayta Diosmanta karuncharachirqa.

1~Reyes 14:27

Chaykunapa rantinpim rey Roboam broncemanta escudokunata ruwachirqa, hinaspam waqaychaqnin soldadokunapa kamachiqninman chaynataq palaciopa punkunta waqaychaq soldadokunaman waqaychanankupaq qoykurqa.

1~Reyes 9:14

Rey Hirammi kimsa waranqa isqon pachak soqta chunka kilo qorita Salo-monman apachirqa.

1~Reyes 9:28

Paykunam Ofir lawkama rirqaku, hinaspam rey Salomonpaq yaqa chunka tawayuq waranqa kilo qorita apamurqaku.

1~Crónicas 25:1

Davidwan tropanpa capitan nin-kunam musicawan encargakunankupaq akllarqaku Asafpa, Hemanpa hinaspa Jedutunpa churinkunata, paykunam arpakunata, platillokunata hinaspa salteriokunata tocaspa profetizarqaku. Chay ministeriopaq akllasqa runakunam kaykuna.

1~Crónicas 25:6

Paykunam Tayta Diospa templonpi platillokunata, arpakunata hinaspa cimbalokunata tocaspa Tayta Diosta yupaycharqaku, taytanku Hemanmi directorninku karqa. Asafwan Jedutún hinaspa Hemanqa kikin reypa kamachisqanmi karqaku.

2~Crónicas 9:11

Chay sándalo qerukunamantam rey Salomón ruwachirqa Tayta Diospa templonpi kaq gradaspi hapipakunata chaynataq kikinpa palacionpi kaq gradaspi hapipakunatapas. Tocaqkunapaqpas arpakunatawan salteriokunatam ruwachirqa. Judá allpapiqa manam haykapipas chaynataqa rikurqakuchu.

Esdras 2:65

Criadokunawan criadakunaqa manam yupasqachu karqaku, paykunam karqaku qanchis waranqa kimsa pachak kimsa chunka qanchisniyuq. Paykuna ukupim takiqkuna karqaku iskay pachak qarikuna warmikuna.

Eclesiastés 1:2

Predicadormi nirqa: ¡Tukuy imapas yanqallam! ¡Tukuy impas mana kaqllam! ¡Tukuy imapas tukuruqllam!

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 3:5

Trompetata, qenata, arpata, antarata hinaspa tukuy rikchaq tocanakunata uyarispaykichikmi qonqorakunkichik reypa qorimanta sayachisqan idolota hatunchanaykichikpaq.

Daniel 3:7

Chaynapim llapallan huñunakuq runakuna, lliw tocanakuna tocasqankuta uyarispanku qonqorakurqaku, hinaspam reypa sayachisqan qorimanta idolota hatuncharqaku.

Amós 6:5

Arpata tocaspam musoq takikunata hurqokunkichik, rey David hinaraqmi musoq tocanakunata ruwakunkichik.