Eclesiastés 2:3 - CHUYA QELLQA La Biblia en Quechua de Ayacucho 2012

³ Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Quechua Ayacucho Bible 1987

³ Yachayniyman hina yuyaywan ruraspaymi cuerpoyman gustota qonaypaq upyaykunaman qokurqani. Kay pachapi runakuna pisi tiempollapaq kawsaspa loco hina rurasqankutam ñoqapas rurarqani cheqapchus chay rurasqankuwan allin kawsasqankumanta cuentata qokunaypaq.

Chuya Qellqa 1992

³ Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 2:3 Iomraidhean Croise

Génesis 47:9

Jacobñataqmi nirqa: Ñoqaqa kay mana llaqtayuq hina purisqaypim pachak kimsa chunka wataypiña kachkani. Kay pisi watakunallapipas sasallatañam kawsarqani, chaywanpas ñawpaq taytaykunapa watankunamanqa manaraqmi haypaniraqchu, nispan.

Jobwan Sutichasqa Libro 14:14

Huk runa wañukuspan, ¿yaqachu kawsarimunmanraq? kawsakuyniypim sapa punchaw suyallasaq, llakikuyniymanta librasqa kanaykamam suyallasaq.

Proverbios 20:1

Vinoqa runatam manaña penqakuqta ruwan, aqañataqmi yanqakuna rimaqta ruwan; macharuspaqa ima ruwasqantapas manam yuyakunchu.

Eclesiastés 1:17

Tukuy sonqoymantam yachayta maskaypi rirqani, mana yachayniyuq kaytawan mana yuyayniyuq kaytapas reqsirurqanim. Hinaspaymi chaykunapas yanqalla kasqanta yacharurqani.

Eclesiastés 10:19

Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Eclesiastés 5:18

Chaynapim kayta allinpaq kasqanta hapirqani: Runapaqqa allinqa kanman mikuspa tomaspa Diospa kawsay qosqanman hina sapa punchaw pisipaywan llamkasqanpa rurunwan kusikuymi. Chaymi Diospa munayninqa.

Eclesiastés 6:12

Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Eclesiastés 7:18

Allin kaqta hapiynikiqa allinmi mana allin kaqta mana kachariynikipas allinmi. Diosta manchakuq runam ichaqa imapipas allin lloqsinqa.

Eclesiastés 7:25

Chaymi yachaymanta imaynam kasqanta yachaykuyta munaspay qatipayta qallaykurqani, hinaspaymi hayparurqani mana yachayniyuq kayqa mana allin kasqanta, mana tanteoyuq kayqa locopa ruwaynin kasqanta.

Eclesiastés 8:15

Chayraykum ñoqaqa kusikuyman sayapakuni. Runapa kay pachapi allin ruwayninqa mikukuspa, tomakuspa kusikuymi. Diospa kawsay qosqan punchawkunapi llamkasqanmantaqa chayllatam hurqonqa.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

Jueces 9:13

Hinaptinsi uvas sacha nisqa: “¿Diostapas chaynataq runakunatapas kusichiq vinoytachu saqeruyman sachakunataña kamachinaypaq?” nispa.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.