Eclesiastés 2:24 - CHUYA QELLQA La Biblia en Quechua de Ayacucho 2012

²⁴ Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Quechua Ayacucho Bible 1987

²⁴ Runapaq allinqa kanman mikukuyllam, tomakuyllam chaynataq llamkasqanmanta kusikuyllam. Tukuy chaykunaqa Diosmanta kasqantam yacharuni.

Chuya Qellqa 1992

²⁴ Runapaqqa allinqa kanman mikukuspa tomakuspa llamkayninpa rurunwan kusikuymi. Tukuy kaykunaqa Diosmantam hamun.

Eclesiastés 2:24 Iomraidhean Croise

1~Reyes 4:20

Israelpawan Judapa runankunaqa lamar qochapa patanpi aqo hina manaña yupay atinam karqaku. Paykunam mikukuypi upyakuypi kaspanku kusisqallaña kawsakurqaku.

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Eclesiastés 2:10

Tukuy ima munasqayta ruwaspaymi aychayta tukuy imawan kusichirqani, chaykuna ruwasqaywanmi sonqoy kusikurqa, chay kusikuymi llamkasqaypa pagon karqa.

Eclesiastés 2:25

Mana Dioswanqa ¿pitaq mikunman hinaspa kusikunman?

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 5:17

Chaywanpas sapa punchawmi tutayayllapi, sasachakuyllapi, nanayllapi hinaspa piñakuyllapi kawsanqa.

Eclesiastés 6:12

Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Eclesiastés 6:2

Diosmi qon runaman qori-qollqeta, tukuy imata chaynataq reqsisqa kaytapas, imaña munasqanpas mana pisinankama; ichaqa chaykunawan kusikunanta Dios mana munaptinmi, mana reqsisqa runakuna chaykunamanta munaychakun. Chayqa yanqallam, manchakuypaq mana allinmi.

Eclesiastés 8:15

Chayraykum ñoqaqa kusikuyman sayapakuni. Runapa kay pachapi allin ruwayninqa mikukuspa, tomakuspa kusikuymi. Diospa kawsay qosqan punchawkunapi llamkasqanmantaqa chayllatam hurqonqa.

Isaías 56:12

Paykunam ninku: “Hamuychik vinota upyakusun, poqosqa aqata sinkananchikkama upyakusun; paqarinpas kunan punchaw hinam kanqa, kunanmantapas aswan allin punchawraqmi kanqa”, nispanku.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Hechos 14:17

Chaywanpas Diosqa runakunapaq allin kaqkunata ruwaspam pim kasqanta reqsichikurqa. Paymi parachimun, paytaqmi tarpuykunatapas allinta ruruchispa mikunanchikpaqpas chani-chaninta qowanchik, chaynapi kusisqa kawsananchikpaq, nispanku.

1~Corintios 15:32

Ñoqam purun animalkunawan Éfeso llaqtapi pelearqani, chaywanqa, ¿imatataq hurqokuni? Wañuqkuna mana kawsarimunan kaptinqa allintam ninku: Mikukusun, upyakusun, paqarinqa wañukusunmi, nispanku.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.