Eclesiastés 2:19 - CHUYA QELLQA La Biblia en Quechua de Ayacucho 2012

¹⁹ ¿Pitaq yachan qepay hamuqqa yachayniyuq otaq mana yachayniyuqpas kanayta? Ichaqa paymi, kay pachapi yachayniyta tukuspa ñakariywan tukuy ima llamkasqaypi munaychakunqa. ¡Chaypas yanqallapaqmi!

Quechua Ayacucho Bible 1987

¹⁹ Ichaqa ¿pimá yachan, ichapas chay qepay hamuq munaychakuqqa kanman yachayniyoqpas otaq sonsopas? paychiki kay pachapi ñakarispa yachaywan tukuy ima llamkasqaykunapi munaychakunqa. ¡Chaypas chinkaruq waspiy hinallam!

Chuya Qellqa 1992

¹⁹ ¿Pitaq yachan qepay hamuqqa yachayniyuq otaq mana yachayniyuqpas kanayta? Ichaqa paymi, kay pachapi yachayniyta tukuspa ñakariywan tukuy ima llamkasqaypi munaychakunqa. ¡Chaypas yanqallapaqmi!

Eclesiastés 2:19 Iomraidhean Croise

1~Reyes 11:43

Salomón wañuruptinmi taytan “Davidpa Llaqtanpi” pamparurqaku. Paypa rantinpim churin Roboamña munaychakurqa.

1~Reyes 12:13

Reymi ichaqa ancianokunapa consejasqanta mana kasukuspan llapa runakunataqa nanay simiwan rimapayarqa.

Eclesiastés 2:11

Chaymantam tukuy ima ruwasqayta qawarirqani, pisipaywan llamkasqaytam qawarirqani, hinaspam yuyaymanarqani chaykunaqa tukuruqlla kasqanta, runata ñakarichispa chinkaruqlla kasqanta.

Eclesiastés 2:20

Chaymi kay pachapi tukuy ima ruwasqayta qawarispa, pisipaywan llamkasqaymanta ñakakurqani.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 9:13

Kay pachapim hatun yachachikuyta rikurqani:

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

1~Timoteo 6:10

Qollqella kuyayqa tukuy mana allin ruwaykunapa qallariyninmi. Achkaqmi qollqeta kuyaruspanku Diosman iñisqankumantapas karunchakurunku, hinaspam sasachakuykunapiwan ñakariykunapi tarikunku.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Santiago 3:17

Hanaq pachamanta hamuq yachayqa chuyam. Chay yachaywan kaq runakunaqa hawka kawsakuqkunam, allin ruwaqkunam, llampu sonqokunam, allin yuyaywan kawsaqkunam, kuyakuqkunam, tukuy imapi allin kaqta ruwaqkunam, mana pimanpas sayapakuqkunam hinaspa mana iskay uyakunam.