Eclesiastés 2:17 - CHUYA QELLQA La Biblia en Quechua de Ayacucho 2012

¹⁷ Chayraykum kawsayniytapas cheqnirurqani, kay pachapi tukuy ima ruwaypas amiruypaqña kasqanrayku. Tukuy imapas huk qawaykuyllam, waspiy hinallam.

Quechua Ayacucho Bible 1987

¹⁷ Chayraykum kay pachapi lliw ruraykunatapas amiruspay vidaytapas cheqnipakururqani. ¡Tukuy imapas chinkaruq waspiy hinallam chaynataq wayrata hapirunapaq qatikachay hinallam!

Chuya Qellqa 1992

¹⁷ Chayraykum kawsayniytapas cheqnirurqani, kay pachapi tukuy ima ruwaypas amiruypaqña kasqanrayku. Tukuy imapas huk qawaykuyllam, waspiy hinallam.

Eclesiastés 2:17 Iomraidhean Croise

1~Reyes 19:4

Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

Jobwan Sutichasqa Libro 14:13

¡Ima allinraq kanman piñakuyniki pasanankama wañuqkunapa kasqanpi pakaykuwaptikiqa! ¡Ima allinraq kanman plazota qoykuwaspayki yuyariwaptikiqa!

Eclesiastés 1:14

Kay pachapi runakunapa tukuy ima ruwasqanta qawaykuspaymi yuyayta hapirqani, tukuy chaykunaqa yanqalla kasqanta, wayra qatikachay hinalla kasqanta.

Eclesiastés 1:17

Tukuy sonqoymantam yachayta maskaypi rirqani, mana yachayniyuq kaytawan mana yuyayniyuq kaytapas reqsirurqanim. Hinaspaymi chaykunapas yanqalla kasqanta yacharurqani.

Eclesiastés 2:11

Chaymantam tukuy ima ruwasqayta qawarirqani, pisipaywan llamkasqaytam qawarirqani, hinaspam yuyaymanarqani chaykunaqa tukuruqlla kasqanta, runata ñakarichispa chinkaruqlla kasqanta.

Eclesiastés 2:22

¿Imatataq runa hurqokun kay pachapi tutatapas punchawcharispa ñakariywan llamkasqanmanta?

Eclesiastés 3:16

Kay pachapiqa rikurqanitaqmi kaykunatapas: Allin ruwaypa rantinpi mana allin ruwayta, allin ruwaypa rantinpi mana allin kaqkunallata.

Eclesiastés 4:2

Chayraykum nirqani: Mayna kusisqam wañukuqkunaqa, mayna llakikuypaqmi kawsaqkunaqa;

Eclesiastés 4:3

ichaqa kay iskayninmantapas aswan allinqa kachkanku manaraq nacemuqkunam, paykunaqa manaraqmi kay pachapi tukuy mana allin ruwaykunata rikunkuraqchu, nispay.

Eclesiastés 6:9

Mana rikuy atina kaqmantaqa rikuy atina kaqmi aswan allinqa. Chaypas yanqallam, wayrata hapirunapaq qatikachay hinallam.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Jonás 4:3

Chaynaqa, Dios Taytalláy, ama hina kaspa wañurachiwayña, ñoqapaqqa wañukuymi aswan allinqa kanman kawsanaymantaqa, nispa.

Jonás 4:8

Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañu-ruymanña, nispa.

Habacuc 1:3

¿Imanasqataq huchallikuytawan ñakariyllata qawachiwanki? Wañuchinakuywan tuñichinakuyllam munaychakuchkan, piñanakuywan wañuchinakuyllañam tukuy hinastinpi kachkan.

Números 11:15

Sichum chaynata ñoqawan ruwaspaykiqa, ama hina kaspa wañurachiway. Hinaptinqa manañam chayna sasachakuykunapi kasaqñachu, nispa.