Eclesiastés 2:14 - CHUYA QELLQA La Biblia en Quechua de Ayacucho 2012

¹⁴ Yachayniyuq runaqa ñawintam allinta kicharin, mana yachayniyuqmi ichaqa tutayaypi purin. Ichaqa iskayninkutam hina chaynallata imapas pasanqa.

Quechua Ayacucho Bible 1987

¹⁴ Yachayniyoq runaqa allinta qawaspam purin. Sonso runam ichaqa tutayaypi hina purin. Ichaqa hina kaqllam pasan yachayniyoq runatapas. Hina kaqllataqmi pasan sonso runatapas.

Chuya Qellqa 1992

¹⁴ Yachayniyuq runaqa ñawintam allinta kicharin, mana yachayniyuqmi ichaqa tutayaypi purin. Ichaqa iskayninkutam hina chaynallata imapas pasanqa.

Eclesiastés 2:14 Iomraidhean Croise

Proverbios 14:8

Yachayniyuq runataqa yachaymi imaynam kawsananta yachachin, mana tanteoyuq runatam ichaqa mana yachayniyuq kaynin pantachin.

Proverbios 17:24

Yachayniyuq runaqa yachayniyuq kaytam maskan, mana yachayniyuqmi ichaqa maypi tukuruytapas mana yachanchu.

Eclesiastés 2:16

Yachayniyuqtapas mana yachayniyuqtapas lliwmi qonqarunqaku; tiempopa risqanman hinam imapas qonqasqa, yachayniyuqpas mana yachayniyuqpas chaynallam wañunqaku.

Eclesiastés 3:19

Runakunapas animalkunapas chay destinoyuqllam, hina chayna wañuqkamallam, chay samayllawanmi kawsankupas. Runaqa manam animalmanta maschu. ¡Chaypas waspiy hina chinkaruqllam!

Eclesiastés 6:6

Sichum chay runa iskay waranqa watataña kawsaruspan allin kaqkunawan mana kusikuptinqa, ¿manachum iskayninku huk sitiollaman rinqaku?

Eclesiastés 6:8

¿Imapitaq yachaysapa runa mana yachayniyuq runata masyan? ¿Imataraqtaq wakcha runa hurqokun kay pachapi kawsasqanmanta sapaqta?

Eclesiastés 7:2

Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Eclesiastés 8:1

¿Pitaq yachayniyuq runa hinaqa kanman? ¿Pitaq imakunatapas entiendeqqa kanman? Yachayqa runapa uyantam kanchaykun, qaqchu uya kaynintam tikraykun.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Eclesiastés 9:16

Chayraykum ñoqa nini: Wakcha runapa yachaynin wischupakusqa kaspa mana pipa uyarisqanña kaptinpas, kallpasapa kaymantaqa yachayniyuq kaymi aswan allinqa, nispa.

1~Juan 2:11

Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.