Eclesiastés 2:10 - CHUYA QELLQA La Biblia en Quechua de Ayacucho 2012

¹⁰ Tukuy ima munasqayta ruwaspaymi aychayta tukuy imawan kusichirqani, chaykuna ruwasqaywanmi sonqoy kusikurqa, chay kusikuymi llamkasqaypa pagon karqa.

Quechua Ayacucho Bible 1987

¹⁰ Gozakurqanim qawaspay munarusqaykunapi. Gozakurqanim sonqoypa munarusqankunapi. Ñakariywan tukuy rurasqaypim gozakurqani. Tukuy chaypa pagontam gozakuyta chaskirqani.

Chuya Qellqa 1992

¹⁰ Tukuy ima munasqayta ruwaspaymi aychayta tukuy imawan kusichirqani, chaykuna ruwasqaywanmi sonqoy kusikurqa, chay kusikuymi llamkasqaypa pagon karqa.

Eclesiastés 2:10 Iomraidhean Croise

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

Génesis 6:2

Diospa churinkunam, runakunapa warmi churinkuna kuyayllapaq kasqanta qawaykuspanku, munasqankuta akllakuykuspa casarakurqaku.

Jobwan Sutichasqa Libro 31:1

Ñawiywanmi contratota ruwarqani sipaskunata mana munapayanaypaq.

Proverbios 23:5

Allinta qawariptikiqa mana kaqllam rikurirun; raprayuqpas kanman hinam ankapa pawakusqanta hina pawarun. -8-

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 2:1

Sonqoypim nirqani: “Kunanqa munasqayta ruwaspayá kusikusaq”, nispay. Ichaqa chaypas waspiy hinallam kasqa.

Eclesiastés 2:22

¿Imatataq runa hurqokun kay pachapi tutatapas punchawcharispa ñakariywan llamkasqanmanta?

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Eclesiastés 3:22

Chaywanmi yachaykurqani: Runapa paqonqa allin llamkayninwan kusikuy kasqanta. Wañukuptinqa ¿pitaq qepa punchawkunaman imam pasakusqanta qawananpaq kutichimunman?

Eclesiastés 5:10

Qollqe kuyaq runaqa maynaña qollqewanpas manam sonqon tiyanqachu; apuyayta kuyaqpas maynaña kapuqninwanpas manam hawkaraqchu kanqa. Chaypas yanqallapaqmi.

Eclesiastés 5:17

Chaywanpas sapa punchawmi tutayayllapi, sasachakuyllapi, nanayllapi hinaspa piñakuyllapi kawsanqa.

Eclesiastés 5:18

Chaynapim kayta allinpaq kasqanta hapirqani: Runapaqqa allinqa kanman mikuspa tomaspa Diospa kawsay qosqanman hina sapa punchaw pisipaywan llamkasqanpa rurunwan kusikuymi. Chaymi Diospa munayninqa.

Eclesiastés 6:2

Diosmi qon runaman qori-qollqeta, tukuy imata chaynataq reqsisqa kaytapas, imaña munasqanpas mana pisinankama; ichaqa chaykunawan kusikunanta Dios mana munaptinmi, mana reqsisqa runakuna chaykunamanta munaychakun. Chayqa yanqallam, manchakuypaq mana allinmi.

Eclesiastés 6:9

Mana rikuy atina kaqmantaqa rikuy atina kaqmi aswan allinqa. Chaypas yanqallam, wayrata hapirunapaq qatikachay hinallam.

Eclesiastés 8:15

Chayraykum ñoqaqa kusikuyman sayapakuni. Runapa kay pachapi allin ruwayninqa mikukuspa, tomakuspa kusikuymi. Diospa kawsay qosqan punchawkunapi llamkasqanmantaqa chayllatam hurqonqa.

Eclesiastés 9:6

Kuyakuyninkupas, cheqnikuyninkupas, envidiakuyninkupas chaypim tukurun, kawsaqkunapa kasqanpiqa manañam paykunaqa imatapas ruwanqakuñachu.

Eclesiastés 9:9

Kawsanayki punchawkamayá, kuyasqayki warmikiwan vidata pasaspa sapa punchaw kusikuy, Diospa kawsay qosusqaykiqa waspiy hina chinkaruqllam. Kay pachapi kawsaspa afanakusqaykipa pagonqa chayllam.

1~Juan 2:16

Kay pachapi kaqkunaqa kaykunam: Aychapa mana allin munapayayninkuna, ñawipa munapayayninkuna hinaspa imapas kapuqniyuq kaspa hatunchakuykuna, kay mana allin ruwaykunaqa manam Dios Taytamantachu hamun, aswanqa kay pachapi kaqkunallamantam.

Jueces 14:2

Chay llaqtamanta kutiramuspanmi tayta-mamanman kaynata willarqa: Timnat llaqtapim filisteokunapa churinmanta kaq sipasta rikuramuni, ama hina kaspayá paywan casarachiwaychik, nispa.