Eclesiastés 12:2 - CHUYA QELLQA La Biblia en Quechua de Ayacucho 2012

² Intipa achkiynin manaraq tutayaruchkaptin, killapa chaskakunapa kanchaynin manaraq tutayaruchkaptin, parapa qepanta puyukuna manaraq kutiramuchkaptin.

Quechua Ayacucho Bible 1987

² Intipa achkiynin manaraq tutaykuruchkaptinyá qamqa yuyariy. Achkiypas manaraq chinkaruchkaptinyá qamqa yuyariy. Yuyariyá killapa achkiyninpas manaraq tutaykuruchkaptin. Yuyariyyá lucerokunapa achkiyninpas manaraq tutaykuruchkaptin. Yuyariyyá pararamuptin puyukunapas hinallaraq kachkaptin.

Chuya Qellqa 1992

² Intipa achkiynin manaraq tutayaruchkaptin, killapa chaskakunapa kanchaynin manaraq tutayaruchkaptin, parapa qepanta puyukuna manaraq kutiramuchkaptin.

Eclesiastés 12:2 Iomraidhean Croise

Génesis 27:1

Isaacmi yuyaqyaruspan rampa-rampallataña qawakurqa, chaymi huk punchaw piwi churinta qayaspan nirqa: Churilláy Esaú, nispa. Esauñataqmi nirqa: ¿Imata taytáy? nispa.

Génesis 48:10

Israelpa ñawinkunam tumpallataña qawakurqa yuyaqña kasqanrayku, chaymi Joseypa churinkuna asuykuptinku Israel abrazaykuspa muchaykarirqa.

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Isaías 5:30

Chay punchaw chayaramuptinmi, chay nacionqa lamar qocha hinaraq Israelpa contranpi qaparinqa. Pipas Israel nacionta qawarispanqa tutayaypapas sasachakuypapas intuykusqantam qawarinqa.

Joel 3:15

Intipas killapas tutayarunqam, chaskakunapa kanchayninpas chinkarunqam.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

1~Samuel 3:2

Huk tutam sacerdote Eliyqa cuartonpi puñuchkarqa, ñawsayayta qallaykuspanmi manaña allintaqa qawakurqañachu.

1~Samuel 4:15

Eliyqa isqon chunka pusaqniyuq watanpiñam karqa, ñawsayaruspanmi manaña rikukuytapas atirqachu.

1~Samuel 4:18

Diospa Arcanmanta willaykuptinmi, Eliyqa tiyasqanmanta punku lawman qepaman wichiykurqa, hinaspam umanta takakuruspam yuyaqña kasqanrayku chaylla wañukurqa. Payqa tawa chunka watam Israel runakunapa kamachiqnin karqa.