Eclesiastés 12:13 - CHUYA QELLQA La Biblia en Quechua de Ayacucho 2012

¹³ Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Quechua Ayacucho Bible 1987

¹³ Nisqaykunam tukurunña. Lliwmi uyarisqaña. Chaynaqa Diostayá respetay qamqa. Paypa kamachikuyninkunatayá kasukuy qamqa. Chayllam runapa tukuy rurananqa.

Chuya Qellqa 1992

¹³ Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Eclesiastés 12:13 Iomraidhean Croise

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

1~Reyes 2:3

Tayta Diospa munasqanman hina kawsaspayá yachachikuyninkunata, kamachikuyninkunata, decretonkunata hinaspa estatutokunata kasukuy, imaynam Moisespa qellqasqan libropi kasqanman hina. Chaynata kawsaspaqa mayman risqaykipas ima ruwasqaykipas allinmi lloqsinqa.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 19:23

Tayta Diosta kasukuyqa kawsaymanmi apakun, Dioswanqa pipas hawkam kawsakunqa manam ima sasachakuypas chayanqachu.

Proverbios 23:17

Huchallikuq runataqa amayá envidiakuychu, aswanyá Tayta Diosta tukuy tiempo kasukuy;

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 3:14

Yachanim Diospa ruwasqankunaqa wiñaypaq kasqanta, manam chaymanqa imatapas yapachwanchu nitaq qechuchwanchu. Diosmi chaynata ruwarqa runakuna payta manchakunankupaq.

Eclesiastés 5:7

Imapipas llumpay yuyaymanayqa manam allinchu kaqkunatawan yanqa rimaykunallatam apamun, qamqa Diostayá hatunchay.

Eclesiastés 6:12

Chinkaruq waspiy hinallam runapa kawsayninqa, watankunaqa pasarunpas llantuy hinallam. Runapa kawsayninpaq imam allin kasqantaqa ¿pitaq yachan? Wañukusqanpa qepanta imakunam pasakusqantapas ¿pitaq payman willanman?

Eclesiastés 7:18

Allin kaqta hapiynikiqa allinmi mana allin kaqta mana kachariynikipas allinmi. Diosta manchakuq runam ichaqa imapipas allin lloqsinqa.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Eclesiastés 8:5

Kamachikuyninkuna kasukuqtaqa manam imapas pasanqachu; yachayniyuq runaqa yachanmi haykapim hinaspa imaynatam ruwaytapas.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Lucas 1:50

Payqa wiñaypaqmi kuyapayan kasukuqninkunataqa.

Deuteronomio 10:12

Israelpa mirayninkuna, ¿imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam.

Deuteronomio 10:20

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Deuteronomio 4:10

Horeb orqopi, Señornikichik Tayta Diospa qayllanpi kasqaykichik punchawpim Tayta Dios niwarqa: “Kay nisqaykunata uyarinankupaq runakunata huñumuy, chaynapi kay pachapi kawsananku punchawkama kasuwanankupaq hinaspa llapa churinkumanpas yachachinankupaq”, nispa.

Deuteronomio 4:2

Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Deuteronomio 6:2

Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq.

1~Pedro 2:17

Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

Apocalipsis 19:5

Hinaptinmi tronomanta kayna qayakuy lloqsimurqa: Llapallan serviqninkunaqa Diosninchiktayá yupaychaychik, payta manchakuqkunaqa taksapas hatunpas Diosninchiktayá yupaychaychik. niq.

1~Samuel 12:24

Kayllatam nikichik: Tayta Diosllata cheqaptapuni tukuy sonqowan serviychik. Amayá qonqaruychikchu qamkunapaq imapas tukuy allinkuna ruwasqantaqa.