Eclesiastés 12:1 - CHUYA QELLQA La Biblia en Quechua de Ayacucho 2012

¹ Jovenllaraq kaynikipiyá unanchaqnikimanta yuyariy, sasachakuy punchawkuna manaraq chayaramuchkaptin, yanqañataq chayna punchawkuna chayamuptin niwaq: “Manam kusikuyta tariniñachu”, nispa.

Quechua Ayacucho Bible 1987

¹ Mozollaraq kachkaspaykiyá unanchaqnikimanta yuyariy. Mana allin tiempokuna manaraq hamuchkaptinyá paymanta yuyariy. Yanqañataqmi chay tiempokunapi niwaq: “Manañam gozakunaypaq tiempoñachu” nispa.

Chuya Qellqa 1992

¹ Jovenllaraq kaynikipiyá unanchaqnikimanta yuyariy, sasachakuy punchawkuna manaraq chayaramuchkaptin, yanqañataq chayna punchawkuna chayamuptin niwaq: “Manam kusikuyta tariniñachu”, nispa.

Eclesiastés 12:1 Iomraidhean Croise

Génesis 39:2

Ichaqa Tayta Diosmi Joseywan karqa, chaynapim payqa Egipto nacionniyuq patronninpa wasinpi yachaspa ima ruwasqanpipas allin lloqsirqa.

Génesis 39:23

Carcelpi kamachikuqmi Joseyman kunaykusqan punchawmanta manaña preocupakurqañachu Joseywan Dios kasqanrayku. Tayta Dios yanapaptinmi tukuy ima ruwasqanpas allin karqa.

2~Samuel 19:35

Pusaq chunka watayuqñam kani, mikusqaypa tomasqaypa gustontapas manañam musyaniñachu, qaripa otaq warmipa takisqan uyariytapas manañam atiniñachu, yanqañachá ñoqataqa nanachikuwankimanpas.

2~Samuel 19:36

Kay serviqnikiqa compañasqayki Jordán mayupa waklaw chimpankamallañam. Chaynaqa, amañayá imatapas ofrece-wayñachu.

1~Reyes 14:13

Hinaptinmi Israelpi llapa runakuna hatun llakikuywan pampanqaku, Jeroboampa ayllunkunamantaqa payllam Tayta Diospa qayllanpi allinpaq qawasqa karqa, chayraykum pay sapallan pampasqa kanqa.

1~Reyes 18:12

Reyman willaq rinaykamachá hu-klawman Tayta Diospa Espiritun aparu-sunki, hinaptinchá Acabman willaykuptiy pasamuspa mana tarisuspayki wañu-rachiwanqa. Ñoqaqa joven kasqaymantapunim Tayta Diosta kasukuni.

Nehemías 4:14

Hinaspaymi mancharisqallaña kasqankuta qawarispay, llapa kamachikuqkunatawan ancha reqsisqa runakunata hinaspa llapa runakunata kaynata nirqani: Ama paykunataqa manchakuychikchu, Diosninchikpa ancha atiyniyuq kasqantayá yuyariychik, chaynaqa aylluykichik, churikichikkuna, warmikichik hinaspa wasikichikrayku peleaychik, nispay.

Jobwan Sutichasqa Libro 30:2

Makinkupas ¿imapaqtaq serviwanman karqa manaña kallpankupas kachkaptinqa?

Proverbios 22:6

Warmataqa imaynam kawsanantayá yachachiy, yuyaqña kaspapas chay yachasqanmantaqa manam sapaqchakunqachu.

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Eclesiastés 11:10

Sonqoykimantayá piñakuyta wischuy, mana allin ruwaykunamantayá ayqekuy, warma kaywan joven kayqa tukuruqllam.

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Eclesiastés 11:8

Ichaqa unay watakunataña runa kawsaspapas, chay watakunapi anchataña kusikuspapas, manam qonqananchu sasachakuy punchawkunataqa, hamuq kaqkunapas tukuruqlla kasqantaqa.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Lamentaciones 3:27

Runapaqqa warma kasqanmantapuni yugo apaymi aswan allin.

Daniel 1:17

Diosmi qorqa chay tawa jovenkunaman yachaytawan allin yuyayniyuq kayta, chaynapim tukuy richkaq qellqakunata yacharqaku chaynataq ima yachaykunatapas hayparqaku. Danielqa entienderqataqmi llapa revelacionkunapa hinaspa mosqoykunapa imam ninantapas.

Oseas 7:9

Huklaw nación runakunam paykunapa kallpanta tukurun, ichaqa manam musyakunkuchu; umankupas soqoyarunñam ichaqa manam musyakunkuchu.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 18:16

Chaymi Jesusñataq paykunata qayaykuspan nirqa: Ama wawakuna ñoqaman hamunanta harkakuychikchu. Kay wawakuna hina kaqkunapaqmi Diospa munaychakuyninqa.

Efesios 6:4

Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Deuteronomio 8:18

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

1~Samuel 1:28

Chaymi ñoqapas Tayta Diosman qochkani, sapa punchaw kawsayninpi Diosllataña wañukunankama servinanpaq, nispan. Hinaspam chaypi llapanku Tayta Diosta yupaycharqaku.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.

1~Samuel 2:18

Samuelñataqmi linomanta efodwan pachasqa Diosta serviq. Payqa karqa warmallaraqmi.

1~Samuel 2:26

Samuelñataqmi wiñarqa, Diospa chaynataq runakunapa qayllanpi allin qawasqa.