Eclesiastés 11:5 - CHUYA QELLQA La Biblia en Quechua de Ayacucho 2012

⁵ Imaynam mana yachankichu maynintam wayra risqanta, nitaq imaynam warmipa wiksanpi wawapa tullunkuna wiñasqanta, chaynam tukuy imata unanchaq Diospa ruwasqankunatapas mana reqsinkichu.

Quechua Ayacucho Bible 1987

⁵ Qamqa manam yachankichu wayrapa mayninmi risqanta. Qamqa manam yachankichu warmipa wiksanpi wawapa tulluchankuna wiñasqanta. Chaynam mana yachankichu tukuy ima ruraq Diospa rurasqankunata.

Chuya Qellqa 1992

⁵ Imaynam mana yachankichu maynintam wayra risqanta, nitaq imaynam warmipa wiksanpi wawapa tullunkuna wiñasqanta, chaynam tukuy imata unanchaq Diospa ruwasqankunatapas mana reqsinkichu.

Eclesiastés 11:5 Iomraidhean Croise

Jobwan Sutichasqa Libro 37:23

Tukuy Atiyniyuq Diostaqa manam haypayta atichwanchu, payqa ancha atiyniyuqmi, juzgaspaqa manam pitapas ñakarichinchu, allin arreglo ruwaqmi.

Jobwan Sutichasqa Libro 38:4

¿Maypitaq karqanki kay pachata unanchaptiyqa? Cheqapta yachaspaykiqa kunan niykuway.

Jobwan Sutichasqa Libro 5:9

Diosqa yachayninchikpa mana haypasqan kaqkunatam ruwan, admirakuypaq kaqkuna ruwasqanqa mana yupay atinam.

Eclesiastés 1:13

Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 1:6

Wayraqa sur lawman pukuchkaspam norte lawman muyurun, muyurispa muyurispanmi maymi kasqanman kutin.

Eclesiastés 11:4

Wayralla qawaq runaqa manam tarpukunqachu, puyuta qawaq runaqa manam cosechanqachu.

Eclesiastés 3:10

Rikurqanitaqmi imaynatam Diosqa runakunaman imapas ruwaykuna qosqanta chaypi llamkaspa kanankupaq

Eclesiastés 3:11

Diosqa tiempollanpim imatapas sumaqta ruwarqa, hinaspam runakunaman qorqa wiñaypaq kaqkunamanta yuyaymanananpaq. Chaywanpas runapa yuyaymanayninqa manam haypayta atinmanchu qallariyninmanta tukupayninkama Diospa ruwasqankunataqa.

Eclesiastés 7:24

Tukuy ima kaqpas mana entiendey atinam, ñoqapas manam entiendeyta atinichu, cheqaptapuniqa mana pipapas haypay atinanmi.

Eclesiastés 8:17

Chaynapim Diospa tukuy ima ruwasqanta rikurqani, kay pachapi tukuy ima ruwasqantaqa manam runaqa haypayta atinmanchu. Maynataña llamkaspapas otaq maskaspanpas manam tarinqachu; yachayniyuq runapas “reqsinim” nichkaspanpas manam haypayta atinqachu.

Isaías 40:28

¿Manachu yacharqanki? ¿Manachu uyarirqanki? Tayta Diosqa wiña-wiñaypaq kawsaq Diosmi, payqa kay pachata unanchaqmi, manam hukmanyanchu nitaqmi pisipanchu, yachayninpas mana haypay atinam.

Juan 3:8

Wayraqa munasqanmantam pukumun, chaymi qaparisqanta uyarinki, ichaqa manam yachankichu maymantam hamusqanta nitaq maymanmi risqantapas. Chaynam Espiritumanta nacemuqkunapas, nispa.

Romanos 11:33

¡Mayna hatunmi Diospa atiyninqa! ¡Payqa tukuy yachayniyuq kaspanmi tukuy imata reqsin! ¡Pitaq yachanman imam munasqantawan imam ruwanantapas!