Eclesiastés 10:19 - CHUYA QELLQA La Biblia en Quechua de Ayacucho 2012

¹⁹ Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Quechua Ayacucho Bible 1987

¹⁹ Convidotaqa ruranku kusikunankupaqmi. Vinoqa kawsaspa gozakunapaqmi. Qollqeqa tukuy ima ruraqmi.

Chuya Qellqa 1992

¹⁹ Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Eclesiastés 10:19 Iomraidhean Croise

Génesis 43:34

Hinaspam mesanmanta paykunaman mikuyta haywarqa, Benjaminmanñataqmi wawqenkunapamantapas aswan achkata qaraykachirqa. Chaymi Joseyqa wawqenkunawan kuska kusisqallaña tomarqaku.

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

1~Crónicas 21:24

Chaymi rey David nirqa: Manapunim chaynaqa kanmanchu, ñoqaqa cabal precionwanmi rantisqayki; Tayta Diospaqqa manam qampa kaqtaqa imatapas hapisaqchu, nitaqmi mana qollqeypa chanintaqa lliw kañana sacrificiotapas ofrecesaqchu, nispa.

Esdras 1:6

Muyuriqninpi llaqtakunañataqmi yanaparqaku qoriwan qollqewan, imapas kapuqninkunawan, animalkunawan, alhajakunawan chaynataq munasqankuman hina ofrendakunawanpas.

Nehemías 5:8

Hinaspam paykunata nirqani: Ñoqaykum atisqaykuman hina judío wawqenchikkunata nacionkunaman esclavo kanankupaq rantikusqa kasqan-kumanta hurqomurqaniku. ¿Qamku-nañataqchu aylluykichikta rantiku-runkichik ñoqayku kutichimunayku-paq? nispa. Chaymi paykuna upallakuspanku mana imatapas niwaptinku,

Ester 1:10

Qanchis kaq punchawpim, reyqa vino upyasqanwan kusisqallaña kaspan, Mehumanta, Biztata, Harbonata, Bigtata, Abagtata, Zetarta hinaspa Carcasta, kay qanchis serviqninkunata kamachirqa,

Eclesiastés 2:3

Yachayta sonqoyman churaykuspaymi tantearurqani aychayta vinowan kusichiyta, hinaspam upyakuyman qokururqani, kay pachapi pisi kawsayninpi llapa runa tukuy ima ruwasqanmanta imatam hurqosqankuta yachanaypaq.

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Isaías 23:18

Ichaqa negociaspa ganakusqankum Tayta Diospaq sapaqchasqa kanqa, huñusqankutapas manañam waqaychanqakuñachu, aswanqa Tayta Diosta serviqkunamanña qoptinkum mikunankupaq achka mikuyta rantinqaku, pachakunankupaqmi fino pachankunata rantinqaku.

Isaías 24:11

Vino tukuruptinmi runakuna callekunapi waqachkanku, lliw kusikuyninkum tanirun, kay pachapim kusikuy chinkarun.

Mateo 17:27

Ichaqa ama pitapas piñachinanchikpaqyá lamar qochaman rispa anzuelota chamqamuy, hinaspam punta challwa hapisqaykipa siminta kicharuspa huk qollqeta tarinki, chaytam iskayninchikmanta pagaykamunki, nispa.

Mateo 19:21

Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Lucas 12:19

almaytañataq nisaq: Almalláy, unay watakunapaqmi tukuy imata achkallataña waqaycharunki. Kunanqa samakuy, mikukuy, upyakuy hinaspa kusikuy, nispa.

Lucas 16:9

Chaynaqa, nikichikmi: Mana allinkunamanta chaskisqaykichik qori-qollqewanqa amistadkunatayá armaychik, chaynapi qollqekichik manaña kaptinpas hanaq pachapi chaskisunaykichikpaq.

Lucas 8:3

Herodespa mayordomon Chuzapa warmin Juana hinaspa Susana; chaynallataq kapuqninkuwan yanapaqnin warmikunapas.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Hechos 2:45

Chakrankutawan imapas kapuqninkutam rantikuqku hinaspam sapakamapa necesitasqankuman hina rakinakuqku.

1~Pedro 4:3

Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.

Jueces 14:10

Sansonpa taytanmi sipaspa wasinman rirqa, chaypim Sansón huk convidota ruwachirqa jovenkunapa costumbrenman hina.

Jueces 9:13

Hinaptinsi uvas sacha nisqa: “¿Diostapas chaynataq runakunatapas kusichiq vinoytachu saqeruyman sachakunataña kamachinaypaq?” nispa.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.