Eclesiastés 10:15 - CHUYA QELLQA La Biblia en Quechua de Ayacucho 2012

¹⁵ Mana yachayniyuq runataqa llamkasqanpas llumpaytam pisipachin, llaqtaman riq ñantapas payqa manam reqsinchu.

Quechua Ayacucho Bible 1987

¹⁵ Sonso runaqa ñakarispam llamkan llumpayta. Payqa manam reqsinchu llaqtaman riq ñanta.

Chuya Qellqa 1992

¹⁵ Mana yachayniyuq runataqa llamkasqanpas llumpaytam pisipachin, llaqtaman riq ñantapas payqa manam reqsinchu.

Eclesiastés 10:15 Iomraidhean Croise

Eclesiastés 10:10

Hacha laqoyaruptin mana ñawchiyaykachispa llamkayqa kallpapaqmi, imatapas yachaywan ruwaymi aswan allinqa.

Eclesiastés 10:14

Mana yachayniyuq runaqa ancha rimaysapam. Imam pasakunanta mana pipas yachachkaspaqa, ¿pitaq willanman paymanta qepaman imam pasakunantaqa?

Eclesiastés 10:16

¡Imaynaraq kanqa! Jovenllaraq reyniyuq nacionqa, kamachiqninkunapas convidollapi sapa punchaw kaptinkuqa.

Eclesiastés 10:3

Mana yachayniyuq runaqa ruwayninkunawanmi mana yachayniyuq kasqanta qawachikun, rimayllanwanmi mana yachayniyuq kasqanta reqsichikun.

Isaías 55:2

¿Imapaqtaq mana mikunaykichik kaqkunapi qollqekichikta tukunkichik? ¿Imapaqtaq mana saksanaykichik kaqkunapi llamkasqaykichikta usuchinkichik? Allinta uyariwaychik hinaspaqa allinnintam mikunkichik, miski mikuykunata mikuptikichikmi sonqoykichikpas kusikunqa.

Isaías 57:1

Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Habacuc 2:6

Ichaqa huk punchawmi ñakarichisqan llaqtakuna asikuspanku watuchita hinaraq kaynata ninqaku: “¡Imallapiraq rikukunqaku! mana kikinkupa kaqta huñuspa apuyaqkuna, ¿haykapikamataq mana qamkunapa kaqta huñuypaq-huñukunkichik?” nispanku.