Eclesiastés 10:10 - CHUYA QELLQA La Biblia en Quechua de Ayacucho 2012

¹⁰ Hacha laqoyaruptin mana ñawchiyaykachispa llamkayqa kallpapaqmi, imatapas yachaywan ruwaymi aswan allinqa.

Quechua Ayacucho Bible 1987

¹⁰ Laqoyasqa hachawanqa runam aswan kallpawanraq waqtanqa. Yachayniyoq runam ichaqa yachayninman hina allinta ruranqa.

Chuya Qellqa 1992

¹⁰ Hacha laqoyaruptin mana ñawchiyaykachispa llamkayqa kallpapaqmi, imatapas yachaywan ruwaymi aswan allinqa.

Eclesiastés 10:10 Iomraidhean Croise

1~Reyes 3:9

Chaynaqa, yachaytayá qoykuway, runaykikunata yachaywan kamachinaypaq hinaspa allin kaqta chaynataq mana allin kaqtapas reqsinaypaq, mana chayqa, ¿pitaq kay manaña yupay atina runaykikunata kamachiyta atinman? nispa.

1~Crónicas 12:32

Isacar ayllumantam hamurqaku iskay pachak kamachikuqkuna, paykunaqa tiempokuna qawayta allinta yacharqaku, yacharqakutaqmi Israelpa mirayninkunapa imam ruwanantapas.

Eclesiastés 10:11

Maqta uruta manaraq allinta mansoyachichkaptin mansoyachiqninta kachuruptinqa manam imapipas servinqachu.

Eclesiastés 10:15

Mana yachayniyuq runataqa llamkasqanpas llumpaytam pisipachin, llaqtaman riq ñantapas payqa manam reqsinchu.

Eclesiastés 10:9

Rumita pakiqqa, rumiwanmi katurachikunqa; pipas yantata chitqaqqa, waqtakurunmanmi.

Eclesiastés 2:13

Kaytam rikurqani: Imaynam achkiypas tutayaymantaqa aswan allin, chaynam yachayniyuq kaypas mana yachayniyuq kaymantaqa aswan allin.

Eclesiastés 9:18

Guerrapaq armakunamanta aswan allinqa yachaymi; ichaqa imapipas pantaruyllam ima allin kaqtapas tuñirachin.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Romanos 16:19

Dios kasukuq kasqaykichiktaqa lliwmi yachanku, chay ruwasqaykichikwanmi anchata kusikuni. Ichaqa munani allin kaqkunapi ancha yachayniyuq kanaykichiktam, mana allin kaqkunapaqñataq mana yachayniyuq kanaykichikta.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

Deuteronomio 32:41

Espadayta llipipipinankama ñawchiyachispaymi, justicia ruwanaypaq espadayta hapiykuspaymi, enemigoykunamanta vengakusaq, ruwayninkuman hinam cheqniwaqniykunaman pagapusaq.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.