Eclesiastés 1:9 - CHUYA QELLQA La Biblia en Quechua de Ayacucho 2012

⁹ ¿Imataq ñawpaqta pasakurqa? Hina chayllam huktawan pasakunqa; ¿Imataq ñawpaqta ruwasqa karqa? hina chayllam ruwasqa kanqa. Kay pachapiqa manam imapas musoqqa kanchu.

Quechua Ayacucho Bible 1987

⁹ Tukuy ima kaqkunaqa hina kaqllam kanqa. Tukuy ima rurasqa kaqkunaqa hina kaqllam kanqa. Manam imapas mosoqqa kanchu kay pachapiqa.

Chuya Qellqa 1992

⁹ ¿Imataq ñawpaqta pasakurqa? hina chayllam huktawan pasakunqa; ¿Imataq ñawpaqta ruwasqa karqa? hina chayllam ruwasqa kanqa. Kay pachapiqa manam imapas musoqqa kanchu.

Eclesiastés 1:9 Iomraidhean Croise

Eclesiastés 1:10

Chaywanpas kanqam: “Kayqa musoqmi niqkuna”, ichaqa manaraq nacechkaptinchikmi chaykunaqa karqaña.

Eclesiastés 2:12

Chaymantam yuyaymanarqani yachayniyuq kaymanta, mana yachayniyuq kaymanta hinaspa mana tanteoyuq kaymanta. ¿Imataraqtaq qepay hamuq rey ruwanman? Manam imatapas ruwanqachu, aswanqa ruwasqa kaqkunallatam.

Eclesiastés 3:15

Kunan kaqkunaqa ñawpaqmantaraqmi karqaña, manaraq kaqkunapas ñam karqaña. Diosmi ñawpaq kaqkunata kaqmanta hatarichin.

Eclesiastés 6:10

Kunan kaqkunaqa ñawpaqmantaraqmi sutichasqaña karqa, runapa imaynam kasqanpas ñam yachasqaña karqa. Manam pipas peleanmanchu paymanta aswan atiyniyuqwanqa.

Eclesiastés 7:10

Amayá tapukuychu imanasqam ñawpaq tiempokuna allin kasqanmantaqa; chayqa manam yachayniyuqpa tapukuyninchu.

Isaías 43:19

Ñoqam musoq kaqta ruwasaq, hichpallañam kachkan rikurimunanpaq ¿manachu musyankichik? Chunniqpim ñanta kichasaq, chaki allpakunapim mayukunata kallpachisaq.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

2~Pedro 2:1

Israel ukupiqa karqataqmi pan-tachikuq profetakunapas, chaynam qamkuna ukupipas pantay yachachi-kuqkuna kanqa. Paykunam mana musyachikuspalla pantay yachachi-kuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanan-kupaqmi.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.