Eclesiastés 1:16 - CHUYA QELLQA La Biblia en Quechua de Ayacucho 2012

¹⁶ Sonqoypim nirqani: “Llumpaytam hatunchakuruni, ñoqamanta ñawpaqta Jerusalenpi munaychakuqkunamantapas aswan yachayniyuqmi rikuriruni. Sonqoypas yachaytawan sinchi yuyayniyuq kaytam hayparun, nispay.

Quechua Ayacucho Bible 1987

¹⁶ Sonqoypim nikurqani: “Jerusalen llaqtapi llapallan ñawpaq gobiernaqkunamanta masta hatunchakuruspaymi aswan yachaysaparaq rikuriruni. Hayparunim sinchi yuyayniyoq kayta chaynataq yachaytapas.

Chuya Qellqa 1992

¹⁶ Sonqoypim nirqani: “Llumpaytam hatunchakuruni, ñoqamanta ñawpaqta Jerusalenpi munaychakuqkunamantapas aswan yachayniyuqmi rikuriruni. Sonqoypas yachaytawan sinchi yuyayniyuq kaytam hayparun, nispay.

Eclesiastés 1:16 Iomraidhean Croise

1~Reyes 10:7

Niwasqankutaqa manam cheqappaqchu hapirqani ñawiykunawan kunan rikuykunaykama, imallaraqsi willawasqankupas. Yachaynikiwan tukuy imaykikunaqa uyarisqaymantapas aswanraqmi kasqa.

1~Reyes 4:30

Salomonqa Egipto nacionpi runakunamantapas hinaspa intipa qespimunan lawpi runakunamantapas aswan yachayniyuqmi karqa.

1~Reyes 5:9

Serviqniykunam Líbano montemanta lamar qochakama apanqaku. Chaypim balsakunata hina watachispay lamar qochanta nisqayki sitiokama apachimusaq, chaymantam qamña paskachispayki apachinki. Kay ruwasqaymantam qamñataq aylluykunapaq mikuyta apachimunki, nispa.

2~Reyes 5:20

profeta Eliseopa serviqnin Giezi kaynata tantearurqa: Patronniyqa yanqam wischupakurun Siria nacionniyuq Naamanpa apamusqankunataqa, Tayta Diosraykum jurani: Kallpaylla hayparuspay imallantapas mañakaramusaq, nispan.

2~Crónicas 2:12

Kay pachatapas hanaq pachatapas unanchaq Israelpa Diosninyá yupaychasqa kachun. Paymi rey Davidman qoykurqa yachaysapa, allin tanteoyuq, allin yuyayniyuq churita, chaynapi Tayta Diospa templontawan yachanan palaciota ruwananpaq.

Eclesiastés 2:1

Sonqoypim nirqani: “Kunanqa munasqayta ruwaspayá kusikusaq”, nispay. Ichaqa chaypas waspiy hinallam kasqa.

Eclesiastés 2:15

Chaymi sonqoypi nirqani: “Mana yachayniyuqta pasasqanchá ñoqatapas pasaruwanqa, chaynaqa ¿imapaqtaq allin yachayniyuq kayniypas?”, nispay. Chaypas yanqapaqmi.

Eclesiastés 2:9

Ancha reqsisqam rikurirurqani, ñoqamanta ñawpaqta Jerusalenpi kaqkunamantapas aswan kapuqniyuqmi rikurirurqani, chaywanpas ancha yachayniyuqmi karqani.

Eclesiastés 3:17

Chaymi sonqoypi nirqani: Allin runatapas mana allin runatapas Diosmi juzganqa; imapas tiempollanpim pasakun, ima ruwaypas tiempoyuqllam, nispay.

Jeremías 22:14

Qamqa ninkiraqmi: Hatun palaciotam ruwarachikusaq, altosninpi hatu-hatun corredorniyuqta, hatun ventanayuqkunata; perqankunatapas Cedro tablakunawanmi tableachisaq, hinaspaymi pukawan pintachisaq, nisparaq.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.