Eclesiastés 1:13 - CHUYA QELLQA La Biblia en Quechua de Ayacucho 2012

¹³ Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Quechua Ayacucho Bible 1987

¹³ hinaspam kay pachapi runakunapa tukuy rurasqanta yachaywan entiendenaypaq suma-sumaqta tapukachakurqani. Sasa-sasa llamkaytam Dios qorqa runakunaman ruranankupaq.

Chuya Qellqa 1992

¹³ Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 1:13 Iomraidhean Croise

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Jobwan Sutichasqa Libro 28:3

Minerokunapaqqa manam maypas llumpay tutayayqa kanchu, paykunaqa uku-uku tutayay uchkukunata yaykuspam kuyayllapaq alhaja rumikunata hurqomunku.

Proverbios 18:1

Kikillanpaq munaq runaqa imatapas kikillanpaqmi maskan, imataña nisqapas manam kasukunchu.

Proverbios 18:15

Yachayniyuqkunawan yuyaymanayniyuqkunaqa yachay maskasqankutam tarinku.

Proverbios 23:26

Churilláy, sonqoykitayá qoykuway ñawikipas ñanniykunatayá qawachun.

Proverbios 25:2

Diospa hatunchakuyninqa imapas pakasqa kaqkuna waqaychayninmi, reypa hatunchakuyninñataqmi chay pakasqa kaqkunata yachaykuypi riy.

Proverbios 4:7

Tukuy imamantapas puntataqa yachaytawan allin yuyayniyuq kaytayá maskay.

Eclesiastés 1:17

Tukuy sonqoymantam yachayta maskaypi rirqani, mana yachayniyuq kaytawan mana yuyayniyuq kaytapas reqsirurqanim. Hinaspaymi chaykunapas yanqalla kasqanta yacharurqani.

Eclesiastés 11:5

Imaynam mana yachankichu maynintam wayra risqanta, nitaq imaynam warmipa wiksanpi wawapa tullunkuna wiñasqanta, chaynam tukuy imata unanchaq Diospa ruwasqankunatapas mana reqsinkichu.

Eclesiastés 12:12

Chaynaqa, churilláy, kay yachachikuykunatayá chaskikuy. Libro-kuna qellqayqa manam haykapipas tukunmankuchu, llumpay estudiaypas cuerpotam pisipachin.

Eclesiastés 2:23

Runapa kawsakuyninqa nanaypa ñakariypa huntasqanmi, tutapas yuyaymanarispanmi mana puñuyta tarinchu. ¡Chaypas yanqallapaqmi!

Eclesiastés 2:26

Kuyasqan runamanqa Diosmi qon yachayta, yuyayniyuq kayta hinaspa kusikuyta. Huchasapa runamanñataqmi qon llamkaspa tukuy ima montosqanta Diospa kuyasqan runaman saqenanpaq. ¡Chaypas yanqapaqmi hinaspa runata ñakarichiqllam!

Eclesiastés 3:10

Rikurqanitaqmi imaynatam Diosqa runakunaman imapas ruwaykuna qosqanta chaypi llamkaspa kanankupaq

Eclesiastés 3:11

Diosqa tiempollanpim imatapas sumaqta ruwarqa, hinaspam runakunaman qorqa wiñaypaq kaqkunamanta yuyaymanananpaq. Chaywanpas runapa yuyaymanayninqa manam haypayta atinmanchu qallariyninmanta tukupayninkama Diospa ruwasqankunataqa.

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Eclesiastés 4:8

Mana wawqeyuq, mana churiyuq, mana piniyuq runatam rikurqani. Mana samaykuspam llamkan, tukuy imayuq kasqanwanpas manam contentakunchu. Payqa manam tapukunchu: “¿Pipaqtaq kusikuytapas qepancharispay kaynataña llamkani?” nispaqa. Chaypas waspiy hina chinkaruqllam.

Eclesiastés 7:25

Chaymi yachaymanta imaynam kasqanta yachaykuyta munaspay qatipayta qallaykurqani, hinaspaymi hayparurqani mana yachayniyuq kayqa mana allin kasqanta, mana tanteoyuq kayqa locopa ruwaynin kasqanta.

Eclesiastés 8:9

Kay pachapi tukuy ima ruwasqankuta yachaypi rispaymi rikurqani huk runa runamasinta ñakarichinanpaq atiyniyuq kasqanta.

1~Timoteo 4:15

Chaykunataqa yuyaywanyá ruway hinaspa allinta takyay, chaynapi imaynam aswan-aswan ñawpaqman risqaykita qawanankupaq.