Deuteronomio 9:3 - CHUYA QELLQA La Biblia en Quechua de Ayacucho 2012

³ Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Quechua Ayacucho Bible 1987

³ —Kunanyá yachaychik yupaychasqanchik Tayta Dios ñawpaqnikichik risqanta. Payqa ratachkaq nina hina rispanmi chay nacionniyoq runakunata wañuchispan humillachinqa qayllaykichikpi. Qamkunamá qarqoruspa chaylla chinkarachinkichik Tayta Diospa nisqanpi hina.

Chuya Qellqa 1992

³ Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Deuteronomio 9:3 Iomraidhean Croise

Éxodo 23:23

Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 24:17

Tayta Diospa atiynintam Israelpa mirayninkuna orqopa puntanpi lenwachkaq ninata hina rikurqaku.

Isaías 27:4

Paypaqqa manam piñakunichu. Sichum kichkayuq qorayuq kaptinqa guerrapi peleaq rispaymi lliwta kañaykamuyman.

Isaías 30:27

Qawariychik, kikin Tayta Diosmi karumanta hamuchkan, piñakuptinmi nina hinaraq uyanpas ruparichkan, simin huntam piñakuynin kachkan, tukuy ima ruparuq nina hinaraqmi qallunpas kachkan.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Miqueas 2:13

Ñanta kichaqmi ñawpaqninkuta rinqa, paykunañataqmi ñanta kicharuspa llaqtapa punkunta lloqsinqaku. Reyninku Tayta Diosñataqmi paykunapa ñawpaqninta rinqa.

Mateo 15:10

Hinaspam runakunata qayaykuspan Jesús nirqa: Uyarispa entiendeychik:

Marcos 7:14

Chaymi runakunata huktawan qayaykuspan Jesús nirqa: Llapallaykichik uyariwaychik hinaspa entiendeychik:

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Efesios 5:17

Chaynaqa, amayá mana yuyayniyuqkuna hinaqa kaychikchu, aswanqa imam Señorpa munaynin kasqantayá allinta yachaychik.

Deuteronomio 1:30

Ñawpaqninchik riq Señornikichik Tayta Diosmi ñoqan-chikpaq peleanqa, payqa imatapas ruwanqa Egipto nacionpi chaynataq chunniqpipas ruwasqanman hinam. Chayamunaykichikkamam tukuy chunniq ñankuna hamusqaykichikpi rikurqankichik, imaynam churinta taytan marqayninpi apamuchkaq hina Señornikichik Tayta Diospas marqayninpi apamususqaykichikta”, nispa.

Deuteronomio 20:1

Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.

Deuteronomio 20:4

Señornikichik Tayta Diosmi qamkunawan kachkan, paymi enemigoykichikpa contranpi peleaspan vencechisunkichik”, nispa.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Deuteronomio 7:16

Qamkunam ichaqa Señornikichik Tayta Diospa qosusqaykichik allpapi llaqtakunata chinkachinkichik, amam llakipayankichikchu, nitaqmi diosninkunatapas yupaychankichikchu, yanqañataqmi urmachisuqnikichik kanman.

Deuteronomio 7:22

Señornikichik Tayta Diosmi chulla-chullallamanta chay nacionkunata qayllaykichikmanta qarqonqa. Llapallan nacionkunata qarqoruynikichikqa manam allinmanchu, purun animalkunam contraykichikpi mirarunman.

Deuteronomio 9:6

Señornikichik Tayta Diosqa manam allin ruwaq runakuna kasqaykichikraykuchu chay allpataqa qosunkichik. Qamkunaqa rumi sonqo runakunam kankichik.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Hebreos 12:29

Diosninchikqa rupaq nina hina rupaspa tukukuqmi.

Josué 11:12

Josueyqa wakin llaqtakunatapas purmarachispanmi reyninkunatapas espadawan wañurachirqa, Tayta Diospa serviqnin Moisespa kamachisqanman hina.

Josué 11:8

Tayta Diosmi Israelpa mirayninkunaman qoykurqa, chaymi Sidón sutiyuq hatun llaqtakama, Misrefot-maim lawkama chaynataq intipa qespimunan lawpi Mizpa qechwakama wañuchistin qatirqaku. Lliwtam wañurachirqaku manam chullapas puchurqachu.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Josué 3:11

Tukuy Atiyniyuq Diospa pacto ruwasqan Arcam ñawpaqnikichikta Jordán mayuta chimpanqa.

Josué 3:14

Chaymi Jordán mayuta chimpanankupaq carpankumanta lloqsiptinku, Diospa Arcan apaq sacerdotekunañataq ñawpaqninkuta rirqaku.

Jueces 4:14

Hinaptinmi Baracta Débora nirqa: Kunan punchawmi Sisarata makikiman Tayta Dios churaykun, kikin Tayta Diosmi ñawpaqnikita richkan, nispa. Chaymi Baracñataq chunka waranqa runakunawan Tabor moqomanta uraykamurqa.