Deuteronomio 8:2 - CHUYA QELLQA La Biblia en Quechua de Ayacucho 2012

² Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Quechua Ayacucho Bible 1987

² Yuyariychik tukuy chunniq ñankunapi tawa chunka wata purimusqanchikta. Yupaychasqanchik Tayta Diosmi chaynataqa purichimuwarqachik humillachisunaykichikpaq chaynapi pruebasuspaykichik piensasqaykichik yachananpaq chaynataq kamachikuyninkunatapas kasukunaykichikta otaq mana kasukunaykichiktapas yachananpaq.

Chuya Qellqa 1992

² Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Deuteronomio 8:2 Iomraidhean Croise

Génesis 22:1

Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

2~Crónicas 32:31

Babilonia lawpi kamachikuqkunam runankunata kachamurqaku Judá nacionpi milagro apakusqanmanta yachanankupaq. Ezequiaspa sonqonpi tukuy ima kaqkunata pruebananpaqmi paymanta Tayta Dios karunchakururqa.

2~Crónicas 33:12

Chayna ñakariypi kaspanmi Mana-sesqa yupaychasqan Tayta Diosta mañakurqa, ñawpaq taytankunapa yupaychasqan Tayta Diospa qayllanpim uchuychakurqa.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

Nehemías 9:19

Ichaqa qanmi kuyapayakuq kasqaykirayku paykunataqa chunniqpipas mana saqerurqankichu. Sayanpa puyum paykunamanta mana asurirqachu punchawpi ñanta pusananpaq, tutanpas chay sayanpa ninam paykunamanta mana asurirqachu rinanku ñanta kanchananpaq.

Jobwan Sutichasqa Libro 33:17

chaynataqa rimapayan runata mana allin ruwayninmanta rakinanpaqmi, hatun tukuq kayninmanta sapaqchananpaqmi.

Éxodo 15:25

Hinaptinmi Tayta Diosta Moisés mañakuptin huk sachata qawaykachirqa, chay sachata yakuman wischuykuptinmi yaku miskiyarurqa. Chaypim Tayta Dios paykunata pruebarqa, hinaspam decretokunatawan imaynam kawsanankupaq kamachikuykunata qorqa.

Éxodo 16:35

Chaynatam Israelpa mirayninkuna chay maná sutiyuq mikuyta tawa chunka watantin mikurqaku, mikurqakuqa runakunapa yachanan allpaman chayanankukamam, otaq Canaán allpaman yaykunankukamam.

Éxodo 16:4

Chaymi Moisesta Tayta Dios nirqa: Ñoqam parata hina cielomanta mikuyta chayachimusaq. Runakunañataqmi lloqsispanku, huk punchaw mikunankupaq kamaqllata sapa punchaw huñunqaku, chaynapim yachasaq yachachikuyniyman hina kawsasqankuta otaq mana chayna kawsasqankutapas.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Ezequiel 20:19

Ñoqam kani yupaychasqaykichik Tayta Diosqa, decretoykunata kasukuspa kamachikuyniykunata ruwayman churaychik.

Números 14:33

Churikichikkunam kay chunniqpi ovejakunata michistin tawa chunka wata muyunqaku. Paykunam qepanchawasqaykichikmanta ñakarinqaku, kay chunniqpi llapallaykichik wañunaykichikkama.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Deuteronomio 1:3

Egipto nacionmanta lloqsimusqankumantam, tawa chunka watapa chunka hukniyuq killapa punta kaq punchawninpi Israelpa mirayninkunaman Moisés willarqa Tayta Diospa kamachisqanman hina.

Deuteronomio 1:33

Payqa ñawpaqnikichiktam rirqa maypim samanaykichikta maskastin. Tutanmi mayninta rinaykichikpaq ninawan achkirqa, punchawñataqmi puyuwan.

Deuteronomio 13:3

hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

Deuteronomio 2:7

Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Deuteronomio 29:5

Ñoqam chunniqninta tawa chunka watapuni pusamurqaykichik, pachaykichikpas chaynataq usutaykichikpas manam tukurqachu.

Deuteronomio 32:7

Ñawpaq tiempokunamanta yuyariychik, ñawpaq watakunapi achka miraykunamanta yuyariychik, ñawpaq taytaykichikkunata tapurikuychik, paykunam willasunkichik. Yuyaqkunata tapurikuychik, paykunam nisunkichik.

Deuteronomio 7:18

Chaywanpas amam paykunataqa manchakunkichikchu. Rey Faraonwan chaynataq Egipto runakunawan Señor-nikichik Tayta Diospa tukuy ima ruwasqantam yuyarinkichik.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Santiago 1:3

Yachasqay-kichikpi hinapas iñisqaykichikmanta pruebasqa kaspaqa aswan pacienciayuq kaytam tarinkichik.

Santiago 4:10

Señorninchikpa qayllanpiyá uchuychakuychik, hinaptinqa paypas hatunchasunkichikmi.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Jueces 2:22

Chay nacionkunawanmi Israelpa mirayninkunata Tayta Dios pruebarqa, chaynapi kasukusqankuta otaq mana kasukusqankutapas yachananpaq, ñawpaq taytankuqa paypa munasqanman hinam kawsarqaku.

Jueces 3:4

Chay runakunawanmi Israel miraykunata Tayta Dios pruebarqa, chaynapi kasukusqankuta otaq mana kasukusqantapas yachananpaq, chay kamachikuykunatam ñawpaq taytankuman Moisesnintakama Tayta Dios kamachirqa.