Deuteronomio 7:9 - CHUYA QELLQA La Biblia en Quechua de Ayacucho 2012

⁹ Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

Quechua Ayacucho Bible 1987

⁹ Reqsiychikyá yupaychasqanchik Tayta Diosqa cheqap Dios kasqanta. Payqa kuyaqninkunawanqa chaynataq kamachikuyninkunapas kasukuqkunawanqa waranqantin miraykamapas kuyapayarikuspa contraton cumpliqmi.

Chuya Qellqa 1992

⁹ Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

Deuteronomio 7:9 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

Génesis 9:15

hinaptinmi qamkunawan chaynataq llapallan animalkunawan pacto ruwasqayta yuyarisaq. Kaynata hinaqa yakukunapas manañam kay pachapi kawsaqkunata puchukachinqañachu.

1~Reyes 8:23

nirqa: Israelpa yupaychasqan Dios Taytalláy, qam hina Diosqa manam kanchu hanaq pachapipas nitaq kay pachapipas, qamqa tukuy sonqonwan kasukuspa serviqnikikunata kuyaspam pactoykita cumplinki.

1~Crónicas 16:15

Pacto ruwasqantaqa wiñaypaqmi yuyachkan, waranqantin miraykunapaq kamachisqantaqa manam qonqanchu.

2~Crónicas 6:14

Israelpa yupaychasqan Dios Taytalláy, qam hina Diosqa manam kanchu hanaq pachapipas nitaq kay pachapipas, qamqa pacto ruwasqaykita cumpliqmi kanki, tukuy sonqonkuwan kasukuspa serviqnikikunatam kuyanki.

Nehemías 1:5

kaynata mañakurqani: Hanaq pachapi munaychakuq Diosnilláy, qamqa hatun manchakuypaq Diosmi kanki, pacto ruwasqaykita mana qonqaqmi kanki, kuyasuspayki kamachisqaykikuna kasukuqtaqa kuyapayaqmi kanki.

Nehemías 9:32

Dios Taytallayku, qamqa tukuy atiyniyuqmi kanki, manchakuypaq atiyniyuqmi kanki, pacto ruwasqaykitawan hatun kuyakuynikita cumpliqmi kanki. Llapa reyniykupas, kamachiqniykupas, sacerdoteykupas, profetaykikunapas, taytaykupas chaynataq llapa runakunapas ñakarisqankutaqa amayá asllapaqqa hapiychu. Chaykunam pasawarqaku Asiria nacionniyuq reykunapa tiemponmanta kunankama.

Éxodo 20:6

Kamachikuyniyta kasukuspa kuyawaqniy runatam ichaqa waranqantin mirayninkama kuyasaq.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Lamentaciones 3:23

Paypa kuyapayakuyninqa sapa tutapaytam musoqlla, mayna hatunmi cheqap kayninpas, nispa.

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Números 14:18

“Ñoqa Tayta Diosqa mana chaylla piñakuqmi hinaspa ancha hatun kuyakuqmi kani. Ñoqaqa mana allin ruwaqtapas, mana kasukuqtapas pampachanim, huchayuq runatam ichaqa castigani tayta-mamakunamanta qallaykuspa willkanpa willkankunakama”, nispayki.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 1:9

Diosqa prometesqantaqa cumplinmi, payqa Churin Señorninchik Jesucristowan huklla kanaykichikpaqmi qayasurqankichik.

1~Corintios 10:3

Chaynataqmi Diospa qomusqan mikuyllata llapallanku mikurqaku.

1~Corintios 8:3

Dios kuyaq runaqa Diospa reqsisqanmi.

2~Corintios 1:18

Diosqa sumaqtam yachan qamkunaman imam kaq nisqaykutaqa.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Deuteronomio 4:35

Tayta Diosllam chaykunataqa qawachisurqankichik cheqap Dios kasqanta yachanaykichikpaq.

Deuteronomio 4:39

Chaynaqa, Tayta Diosqa hanaq pachapipas chaynataq kay pachapipas sapallan Dios kasqantam yuyankichik.

Deuteronomio 5:10

Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.

1~Tesalonicenses 5:24

Qayasuq-nikichikqa confiakunapaqmi, chayraykum payqa kaykunata ruwan.

2~Tesalonicenses 3:3

Señorqa hapipakunapaqmi, paymi allinta takya-chispa mana allinkunamanta waqay-chasunkichik.

2~Timoteo 2:13

sichum payta qepanchakurusun, paymi ichaqa mana qepanchakuwasunchu, payqa imam nisqantapas manam negakunmanchu.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 10:23

Ama maylawmanpas muyuspayá imam iñisqanchikpi takyasunchik, Diosqa imam prometewasqanchiktaqa cumplinqapunim.

Hebreos 11:11

Chay iñiyllawanmi Sarapas qolluq kachkaspan Diosmanta kallpata chas-kispa wiksayakuruspan yuyaq kaynin-piña wachakururqa. Iñirqam pro-meteqnin Diosqa confiakunapaq kas-qanta.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

Jueces 2:1

Gilgal llaqtamanta Boquim lawman Tayta Diospa angelnin rispanmi Israelpa mirayninkunata nirqa: Ñoqam Egipto nacionmanta hurqo-murqaykichik, hinaspam ñawpaq tay-taykichikman prometispa qosqay allpaman pusamurqaykichik. Paykunamanmi nirqani: “Qamkunawan pacto ruwasqaytaqa manam yanqachasaqchu,

Jueces 5:31

¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.