Deuteronomio 7:7 - CHUYA QELLQA La Biblia en Quechua de Ayacucho 2012

⁷ Tayta Diosqa kuyasurqankichik hinaspa akllasurqankichik manam wakin nacionkunamanta hatun kasqaykichikraykuchu, qamkunaqa wakin nacionkunamantapas taksallam karqankichik.

Quechua Ayacucho Bible 1987

⁷ —Manam qamkunataqa wakin nacionkunamanta aswan achka kasqaykichikraykuchu Tayta Diosqa kuyasurqankichik hinaspa akllasurqankichik, akllasurqankichikmá wakin nacionkunamanta aschachalla kachkaptikichikpas.

Chuya Qellqa 1992

⁷ Tayta Diosqa kuyasurqankichik hinaspa akllasurqankichik manam wakin nacionkunamanta hatun kasqaykichikraykuchu, qamkunaqa wakin nacionkunamantapas taksallam karqankichik.

Deuteronomio 7:7 Iomraidhean Croise

1~Crónicas 16:19

Paykunaqa asllaraq kachkaptinkupas, huklaw llaqtayuqlla kay pachapi kachkaptinkupas,

Isaías 51:2

Taytaykichik Abrahammanta yuyariychik, mamaykichik Saramanta yuyariychik. Abrahamta qayaptiyqa sapallanraqmi karqa, ichaqa bendecispaymi mirachirqani.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Ezequiel 20:5

Ñoqa Tayta Diospa nisqayta kaynata niy: Israelta akllakusqay punchawmi mirayninkunaman Egipto nacionpi reqsichikurqani, hinaspaymi jurarqani “ñoqa Tayta Diosmi, Diosnikiqa kani”, nispa.

Ezequiel 36:22

Chaynaqa, ñoqa Tayta Diospa nisqayta Israelpa mirayninkunaman kaynata willay: Israelpa mirayninkuna, kay ruwasqaytaqa manam qamkunaraykuchu ruwasaq, aswanqa chuya sutiyraykum. Qamkunaqa mayman rispapas chuya sutiytam penqayman churarqankichik.

Mateo 7:14

Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Romanos 11:6

Chaynaqa, Diospa kuyakuyllanman hina kaptinqa manañam ruwayninchikkunaman hinachu. Mana chayqa kuyakuyqa manañachá kuyakuychu kanman.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

Romanos 9:21

Manka ruwaqqa imam munasqantam mitumantaqa ruwan. Munarispaqa kuyayllapaq allin qawasqa mankatam ruwan, chay mitullamantataqmi mana allinpaq qawasqa mankatapas ruwan.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Deuteronomio 10:22

Ñawpaq taytaykichikkunaqa qanchis chunka runakunallam Egipto nacionman yaykurqaku, ichaqa Señornikichik Tayta Diosmi yaqa cielopi chaskakunata hinaña mirarachisunkichik.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.

1~Juan 3:1

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.