Deuteronomio 7:5 - CHUYA QELLQA La Biblia en Quechua de Ayacucho 2012

⁵ Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.

Quechua Ayacucho Bible 1987

⁵ Aswanqa paykunapa altarninkunatam tuñichinkichik, adoranankupaq rumimanta rurasqanku pilarkunatapas pasaypaqtam pakipankichik. Qorurunkichikmá Asera sutiyoq kullumanta mamachakunatapas hinaspam kañankichiktaq llapa taytachankutapas hinaspa mamachankutapas.

Chuya Qellqa 1992

⁵ Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.

Deuteronomio 7:5 Iomraidhean Croise

2~Reyes 10:26

Baalpa templonpi idolokunata hurqoramuspanku kañaykurqaku.

1~Crónicas 14:12

Filisteokuna llapa idolonkuta chaypi saqeruptinkum David kañarachirqa.

2~Crónicas 14:3

Huklaw nacionniyuq runakunapa diosninkupa altarninkunatapas, moqokunapi kaq capillakunatapas, rumimanta ruwasqa idolokunatapas, Asera sutiyuq idolo-tapas ñutuparurqam.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 32:20

Hinaspam chay qori torillo ruwasqankuta hapiykuspan ninapi kañarurqa, ñutuy-ñutuyta kutaruspanmi yakuman machqeykuspan Israelpa mirayninkunaman tomachirqa.

Éxodo 34:13

Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Isaías 17:8

Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Levítico 26:1

Amam idolokunataqa ruwankichikchu, nitaqmi llaqtayki ukupiqa rumimanta llaqllasqa ima idolotapas sayachinkichikchu. Chaykunapa qayllanpiqa amataqmi qonqorakunkichikchu. Ñoqaqa Tayta Diosmi kani.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 16:21

Señornikichik Tayta Diospa altarninpa waqtanpiqa amam ima sachatapas Asera idolopaqqa plantankichikchu.

Deuteronomio 16:22

Amataqmi rumimanta idolokunatapas sayachinkichikchu. Chaykunataqa Señornikichik Tayta Diosmi millakun.

Deuteronomio 7:25

Llapa idolonkunatapas kañankichikmi, chay idolokunata llusichisqanku qorita qollqetapas amam munapayankichikchu, yanqam urmachisunkichikman, Señornikichik Tayta Diospa qayllanpiqa chaykunaqa millakuypaqmi.

Deuteronomio 9:21

Huchallikunaykichikpaq ruwasqaykichik toroman rikchakuq idolotapas kañaruspaymi ñutuy-ñutuyta kutaruspa orqomanta uraykamuq mayuman machqeykurqani.